झापामा लागू औषधका ५५४ जना कारोवारी पक्राउ

भद्रपुर, १ असोज (रासस) ः बिगत ३ वर्षमा झापामा लागू औषधको ओसारपसार विरुद्ध प्रहरीको कार्वाहीमा पाँच सय ५४ जना पक्राउ परेका छन् ।
भारतसँगको खुला सीमा र लागू पदार्थ प्रयोगकर्ताको फैलदो सङ्ख्याका कारण यसको नियन्त्रण झापामा चुनौतिपूर्ण बन्दै गएको छ ।
जिल्ला प्रहरी कार्यालय झापाको तथ्याङ्क अनुसार आव २०७३÷०७४ मा १६५ जना, आव २०७४÷०७५ मा १८९ जना र आव २०७५÷०७६ २०० जना लागू औषधको कारोवार गरेको अभियोगमा पक्राउ परेका छन् ।

पक्राउ परेका ५५४ जनामध्ये २४ जना विदेशी नागरिक थिए । तीन वर्षमा लागू औषध सम्बन्धी ३५४ वटा मुद्धा प्रहरीमा दर्ता भएका थिए ।
जिल्ला प्रहरी कार्यालय झापाका प्रहरी उपरीक्षक दिनेश मैनालीले लागू औषध नियन्त्रणका लागि विशेष अभियान चलाएको जनाउँदै आव २०७५÷०७६ मा प्रहरीले १९ केजी चरेश, २ केजी गाँजा र ७६८ ग्राम ब्राउन सुगर वरामद गरेको जानकारी दिनुभयो ।

सीमावर्ती काँकरभिट्टा, भद्रपुर, गौरीगञ्ज र टाघनडुब्बा क्षेत्रमा प्रहरीले भारतीय सीमापारिबाट हुनसक्ने लागू औषधको कारोवारलाई सुक्ष्म निगरानी राख्न थालेपछि हाल कारोवारीहरु धमाधम पक्राउ पर्न थालेको प्रहरी उपरीक्षक मैनाली बताउनुहुन्छ ।

झापाको प्रहरीले विद्यालयहरुमा पुगी लागू औषधबाट बच्न विद्यार्थीहलाई आग्रह गर्दै सचेतना कक्षा सञ्चालन गरिरहेको छ । विभिन्न विद्यालयहरुमा प्रदेश सरकारको अभियान अन्तर्गत सगरमाथा टिन्स क्लव गठन कार्य समेत तीब्र रुपमा अघि बढाइएको छ । अभियानले पनि लागू औषधलाई निरुत्साहित गर्ने बताइएको छ ।

‘बिगतमा सामान वरामद हुने तर अभियुक्तहरु पक्राउ नपर्ने गरेको देखिएको छ’, प्रहरी उपरीक्षक मैनाली भन्नुहुन्छ, ‘यसपटक हामीले सामान बरामदसँगै अभियुक्तलाई फुत्किन नदिने अभियान चलाएका छौं ।’

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    loktantrapost@gmail.com

हाम्रो बारेमा

सम्पादक :- मोहन कुमार नेउपाने
हाम्रो फेसबुक पेज
%d bloggers like this:
%d bloggers like this: