महोत्सवको भब्य तयारी

मेचीनगर । काँकरभिट्टामा माघ २६ देखि आयोजना हुने छ दिवसीय एसियन ग्रामिण पर्यटन महोत्सवको सम्पूर्ण तयारी पूरा भएको छ ।

आयोजक समितिले शुक्रवार पत्रकार सम्मेलन गरी तयारी पूरा भएको र उद्घाटनका लागि प्रदेश नं. १ का मुख्यमन्त्री शेरधन राई आउने जनाएको छ ।
समितिका अध्यक्ष अर्जुनकुमार कार्कीले भारत र भूटानबाट समेत स्टल आउने र कुनै पनि स्टल अवलोकन गर्न शुल्क नलाग्ने जानकारी दिए ।

 

महोत्सवमा भारतको सिक्किमका मुख्यमन्त्री पीएस गोलले शुभकामना सन्देशसहित प्रतिनिधिमण्डल पठाउने भएका छन् भने बेलायतको फोक्सटन सिटीका मेयर एक प्रतिनिधिमण्डलसहित सहभागी हुने निश्चित भएको अध्यक्ष कार्कीले बताए ।

सिक्किमका मुख्यमन्त्री गोले उद्घाटनकै अवसरमा आउने यस अघि बताइएको थियो । तर भारतीय गृह मन्त्रालयले नेपाल भ्रमणका लागि अनुमति नदिएको कारण गोले आउन नसकेको स्रोतले जनाएको छ ।

काँकरभिट्टाको मुख्य रमणीय स्थान देवकोटा पार्कमा स्टल निर्माण गरिएको छ भने बसपार्कमा मेचीनगर नगरपालिकाले भब्य मञ्च निर्माण गरिदिएको छ ।

 

वीपी पुष्पलाल बाटिका नजिक तारामण्डलको स्टल राखिने र त्यहाँ भने सामान्य शुल्क लाग्ने आयोजकको भनाई छ ।

पत्रकार सम्मेलनमा आयोजक समितिका प्रवक्ता नवराज प्रधानसहित विभिन्न उपसमितिका संयोजकहरु मेचीनगर लेडी जेसिजकी अध्यक्ष तुलसा दङ्गाल भण्डारी, ज्ञानेन्द्र घिमिरे, क्षेत्रीय होटल व्यवसायी संघ मेचीनगरका अध्यक्ष गोपालकुमार श्रेष्ठ (सुरेश), पूर्व मेची वस व्यवसायी प्रालिका अध्यक्ष मोहनप्रकाश उप्रेती, गोर्खा फाउन्डेस नेपालका अध्यक्ष नगेन्द्र गुरुङ, जगत गुरुङ, विष्णु श्रेष्ठ लगायतको उपस्थिति रहेको थियो ।

 

एकाउन्न लाख ५० हजार रुपैयाँ खर्च हुने अनुमान गरिएको महोत्सवमा हालसम्म २५ लाख खर्च भइसकेको आयोजकको भनाई छ ।

कार्यक्रमलाई सङ्घीय, प्रदेश र स्थानीय सरकारले आर्थिक सहयोग दिने बचन दिएको बताइएको छ ।

उद्घाटनका लागि आउने मुख्यमन्त्री राईले सोही दिन काँकरभिट्टामा खुलेको होटल हिकोला हेरिटेजको समेत उद्घाटन गर्ने भएका छन् ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    loktantrapost@gmail.com

हाम्रो बारेमा

सम्पादक समूह :
अम्विका भण्डारी
अर्जुन कार्की
झुलन रेग्मी
प्रधान सम्पादक :- मोहन काजी न्यौपाने
हाम्रो फेसबुक पेज
%d bloggers like this:
%d bloggers like this: