आमसञ्चारका विनोदसहित दुई पत्रकार र चार समाजसेवी सम्मानित

  प्रकाशित मिति
१० माघ २०७७, शनिबार २०:१३


बिर्तामोड, १० माघ। वीरता जेसीजको ४० औं पदहस्तान्तरण समारोहमा दुई पत्रकारसहित ६ जनालाई सम्मान गरिएको छ ।

सम्मानित हुनेहरुमा आमसंचार डटकमका समाचार प्रमुख, नेपाल फोटोपत्रकार महासंघ झापाका अध्यक्ष विनोद पाण्डे, पूर्वाञ्चल दैनिकका उपसम्पादक तुलसी प्रसाद निरौला, जेसी कुशल खतिवडा, वीरता जेसीज पूर्व अध्यक्ष सजेश शिवाकोटी, डा. गोविन्द कँडेल र पब्लिक रिलेसन अफिसर बमबहादुर बस्नेतलाई सम्मान छन् ।

शनिबार विर्तामोडमा आयोजित पदहस्तान्तण समारोहका बिच उनीहरुलाई सम्मान गरिएको हो ।

वीरता जेसीजका पूर्व अध्यक्ष अग्रज पत्रकार मदन ढकालको स्मृतिमा स्थापित ‘मदन ढकाल स्मृति वीरता जेसीज उत्कृष्ट पत्रकारिता पुरस्कार’ बाट पत्रकार पाण्डेलाई सम्मान गरिएको हो ।

पुरस्कारका संस्थापक सावित्रा ढकाल , झापाका प्रमुख जिल्ला अधिकारी श्रवणकुमार तिमल्सिना , वीरता जेसीज सन् २०२० का अध्यक्ष मिजाश पोखरेलले पत्रकार पाण्डेलाई नगद १५ हजार र सम्मान पत्र प्रदान गरेका थिए ।

त्यसैगरी वीरता जेसीजका मानार्थ सदस्य बशन्त रिमालले आफ्नी आमा दमयन्ता रिमालको स्मृतिमा स्थापना गरेको दमयन्ता रिमाल स्मृति उत्कृष्ट जेसीज सम्मान द्वारा पूर्वाञ्चल दैनिकका उपसम्पादक तुलसीप्रसाद निरौला र जेसी कुशल खतिवडालाई प्रदान गरिएको छ ।

उनीहरुलाई जनही पाँच हजार एक सय रुपैयाँको उक्त पुरस्कार र सम्मान पत्र पुरस्कारका संस्थापक बशन्त रिमाल, झापाका प्रमुख जिल्ला अधिकारी श्रवणकुमार तिमल्सिना , वीरता जेसीज सन् २०२० का अध्यक्ष मिजाश पोखरेलले उपसम्पादक निरौलालाई प्रदान गरेका थिए ।
गतवर्षको सोही पुरस्कार कानुनी सल्लाहकार कुशल खतिवडालाई प्रदान गरिएको थियो ।

त्यस्तै वीरता जेसीजका पूर्व अध्यक्ष सजेश शिवाकोटीलाई दिलकुमार शर्मा स्मृति वीरता जेसीज सक्रिय पूर्व अध्यक्ष पुरस्कार प्रदान गरिएको थियो । १५ हजार रुपैयाँ र सम्मान पत्र पुरस्कार संस्थापक रेखा शर्मा झापाका प्रमुख जिल्ला अधिकारी श्रवणकुमार तिमल्सिना, वीरता जेसीज सन् २०२० का अध्यक्ष मिजाश पोखरेलले शिवाकोटीलाई प्रदान गरेका थिए ।

त्यस्तै कोभिडको समयमा स्वास्थ्य सेवामा पुर्याएको योगदानको कदर गर्दै मेची प्रादेशिक अस्पताल भद्रपुरका वरिष्ठ जनरल फिजिसियन डा. गोविन्द कँडेल, पूर्णटुङ्ग बिर्तासिटी हस्पिटलका बिर्तामोडका पब्लिक रिलेसन अफिसर बमबहादुर बस्नेतलाई सम्मान गरिएको थियो ।

त्यस्तै वीरता जेसीज सन् २०२० का अध्यक्ष मिजाश पोखरेलले उत्कृष्ट जेसीज अवार्ड दिवाकरलाल चौधरीलाई र वेष्ट एक्टीभ अवार्ड लोकचन्द्र श्रेष्ठलाई प्रदान गरेका थिए भने विकास वस्नेत, दिवाकर प्रसाई, अनन्तलाल महतो, सञ्जीव घिमिरे, रोहित प्रसाईं, घनश्याम चौधरी, प्रभात मास्के, जनक खड्का, टिकाराम खतिवडा, आशिष वन, प्रविण खड्कालाई जेसीज अफ द मन्थको अवार्ड प्रदान गरेका थिए ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: