एउटा वडामा महोत्सव सम्पन्न

  प्रकाशित मिति
५ फाल्गुन २०७६, सोमबार २०:२२


शनिश्चरे । अर्जुनधारा नगरपालिकामा वडा स्तरीय महोत्सव जारी छ । वडा स्तरीय महोत्सव अवलोकन र सेवा लिनेहरुको घुँइचो बढ्दै गएको छ ।

फागुन ४ गतेबाट जारी वडास्तरीय महोत्सव अन्तरगतको सोमबार १ नम्बर वडाको महोत्सव सम्पन्न भएको छ ।

महोत्सवमा किसानहरुले पशुपंक्षी सम्बन्धी परामर्श र माटो परीक्षण, स्वास्थ्य परिक्षण समेत गराएका थिए ।

पशुपंक्षी विकास शाखाका अनुसार १ सय ६५ गोवर परीक्षण, पशुको उपचार र ९५ जना कृषकहरुलाई पशु सम्बन्धी परामर्श दिइएको थियो ।

कार्यक्रममा सामाजिक सुरक्षा परामर्श सेवा प्रदान गरेको पशु सेवा प्राविधिक बेनुपकुमार बस्नेतले जानकारी दिए ।

कार्यक्रममा स्वास्थ्य सेवातर्फ ४० जना महिलाले भीआईए टेष्ट, ५७ जनाले सुगर टेष्ट र ७५ जनाले स्क्रिन टेष्ट सेवा लिएको स्वास्थ्य शाखाकी दुर्गा चापागाईले जानकारी दिइन् ।

स्वास्थ्य शाखाका प्रमुख मुकुन्द बस्नेतका अनुसार ग्रामिण बस्तीमा भीआईए टेष्ट राम्ररी नगरेसम्म रोग च्यापेर बस्नेहरुको संख्या देखिने अवस्था छ ।

अर्जुनधारा नगरपालिकाका प्रमुख हरिकुमार रानाको प्रमुख आतिथ्यतामा भएको कार्यक्रमको १ नम्बर वडाका वडाध्यक्ष गजाधर खतिवडाको सभापतित्वमा सम्पन्न भएको थियो ।

कार्यक्रममा नगर उपप्रमुख कमला आचार्य, प्रशासकीय प्रमुख पंकज भुर्तेल लगायतको आतिथ्य रहेको थियो ।

कार्यक्रममा पूर्वी किरातीहरुको उत्कृष्ट नृत्य साकेला, खस आर्यहरुको मारुनी, मगर जातिको कौरा, लिम्बू जातिको च्याब्रुङ, तामाङको सेलो जस्ता मौलिक नृत्य प्रस्तुत गरिएको थियो ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: