एक दाना लिच्चीको ३ रुपैयाँ

  प्रकाशित मिति
२३ जेष्ठ २०७७, शुक्रबार ०६:३१


मेचीनगर । झापाका अधिकांश किसानले उत्पादन गरेको लिच्ची बन्दाबन्दीका कारण वगानमा नै कुहिने अवस्थामा पुगेको छ ।

झापाको दक्षिणी क्षेत्र बिर्तामोड–७ स्थित बारघरेका युवराज पोखरेलले तीन विगाहा क्षेत्रफलमा लगाएको लिच्ची बन्दाबन्दीका कारण वगानमा नै लिच्ची कुहिने अवस्थामा पुगेको हो ।

आफ्नो ढेड विगाहा र लिजमा लिएको ढेड विगाहा जग्गामा रोपिएको ४ सयवटा बोटमा उत्पादन भएका लिच्ची सोचेजति भाउँ नहुँदा वगानमा नै कुहिने अवस्थामा पुगेको किसान पोखरेलले बताए ।

उनको वगानमा देशी र चाइनिज जातका लिच्ची छन् ।

अबको १० दिनभित्र लिच्ची सोचेजतिको भाउँमा बिक्री भएन भने कुहिने पोखरेलको भनाई छ ।

दश वर्षदेखि लिच्चीको वगान लगाएका उनले ४ वर्षपछि उत्पादन हुन थालेको बताए ।

वर्षेनि ४ देखि ५ लाख रुपैयाँसम्म आम्दानी हुने गरेको बताएका उनले यसपटक वजारमुल्य नभएको दावी गरे ।

‘वर्षेनि लिच्ची बिक्रीका लागि काठमाडौँ पठाइने गरिएको छ’, पोखरेलले भने–‘यसपटक मुस्किलले काठमाडौँ पठाइरहेको छु । विहीबार ५४ कार्टुन लिच्ची काठमाडौँ पठाएको थिए ।’

काठमाडौँमा एक दानाको २ देखि ३ रुपैयाँका दरले वजार मुल्य रहेको उनको भनाई छ ।

स्थानीयमा उक्त दाममा खासै बिक्री नहुँने भएकोले दश दिनमा वगानका सबै लिच्ची बिक्री भएपनि, नभएपनि काठमाडौँ पठाइने पोखरेलले जानकारी दिए ।

जिल्लाका विभिन्न ठाउँको वगानमा उत्पादन गरेको लिच्ची किसानले वजार मुल्य नपाउँदा कुहिने अवस्थामा पुगेको उनीहरुको गुनासो रहेको छ ।

।। अर्जुन कार्की ।।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: