एमालेको केन्द्रीय सदस्यमा झापाका चार दिदीबहिनी

  प्रकाशित मिति
१३ मंसिर २०७८, सोमबार ११:१७


झापा, १३ मंसिर । नेकपा एमालेको दशौं महाधिवेशनमा अध्यक्ष केपी ओलीले सर्वसम्मत प्रस्ताव गरेका केन्द्रीय सदस्य पदमा झापाबाट चार महिला नेतृ समेटिएका छन् ।

मेचीनगर नगरपालिकाकी उपप्रमुख मीना उप्रेती, दमक नगरपालिकाकी उपप्रमुख गीता अधिकारी, कमल गाउँपालिकाकी अध्यक्ष मेनुका काफ्ले र अनेरास्ववियूकी केन्द्रीय अध्यक्ष सुनिता बराल पार्टीको केन्द्रीय सदस्यमा प्रस्तावित भएका हुन् ।

केन्द्रीय सदस्यका लागि झापाबाट प्रदेश नं. १ की पूर्व सामाजिक विकास राज्यमन्त्री जसमाया गजमेर, मेची बहुमुखी क्याम्पसकी प्राध्यापक शुभलक्ष्मी राई र झापा क्षेत्र नं. २ की प्रतिनिधिसभा सदस्य पवित्रा खरेलको नाम समेत चर्चामा थियो । गजमेरलाई लेखा आयोग सदस्यमा समेटिएको छ ।

ओलीबाट प्रस्तावित भएका केन्द्रीय सदस्यहरुले पनि विधान बमोजिम महाधिवेशनको निर्वाचन प्रक्रिया पूरा गर्नुपर्नेछ ।

उनीहरुले ओलीको प्रस्ताव बमोजिम नै आफ्नो मनोनयन निर्वाचन आयोगमा दर्ता गराएका छन् ।

केन्द्रीय सदस्यमा पदोन्नति भएका दमककी उपप्रमुख अधिकारी र मेचीनगरकी उपप्रमुख उप्रेतीलाई पार्टीले आगामी स्थानीय तहको चुनावमा नगर प्रमुख पदको उम्मेद्वार बनाउने सम्भावना बढेको राजनीतिक वृत्तमा चर्चा हुन थालेको छ ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: