‘एमाले माओवादी एकतामा कुनै शंका छैन’

  प्रकाशित मिति
२१ फाल्गुन २०७४, सोमबार १५:१४


झापा । प्रधानमन्त्री केपी शर्मा ओलीले नेकपा(एमाले) र नेकपा (माओवादी केन्द्र) बीच एकता हुनेमा कुनै शंका नरहेको बताए ।

सुखानीमा साहदत प्राप्त गर्ने योद्धाहरुको सम्मानमा आयोजित ४५ औं सहिद स्मृति दिवसका अवरमा सोमबार पार्टी कार्यालय धुम्बाराहीमा आयोजित कार्यक्रममा बोल्दै प्रधानमन्त्री ओलीले देश निर्माणका लागि दुवै पार्टीका नेताहरु आफ्नो स्वार्थ त्याग्न तयार रहेको बताए ।

केही प्रतिक्रियावादीहरु एमालेका नेताहरु एकता गर्न मानेका छैनन् भनेर कु–प्रचार गर्दैछन् । तर, एमालेमा सबै अनुभवी र खारिएका नेता भएकोले त्यस्ता प्रचारको कुनै अर्थ नहुने प्रधानमन्त्री ओलीले बताए । ‘एमाले त्यस्तो मुसा होइन जो प्रतिक्रियावादीले थापेको पासोमा फ्याट् परोस’ प्रधानमन्त्री ओलीको भनाइ छ ।

सुखानीका सहिदहरुको बलिदानको स्मरण गर्दै प्रधानमन्त्री ओलीले लोकतन्त्रका लागि सहिदहरुले देखाएको बाटोबाट आफू कहिल्यै विचलित नहुने प्रतिवद्धता जनाए ।

पञ्चायती शासकले हत्या गरेका सुखानी ५ जना सहिद, दुर्गानन्द झा, भिमदत्त पन्तलगायतलाई सहिद घोषणा विगतका सरकारले कञ्जस्यांई गरेको ओलीले बरोप लगाए । उनले भने– ‘दुईबर्ष अघि म प्रधानमन्त्री भएको बेला मात्र उहाँहरुलाई राज्यको तर्फबाट सहिद घोषणा गरियो ।’

प्रधानमन्त्री ओलीले सरकार सबै नागरिकलाई अधिकार, अवसर, सुरक्षा र सम्मानको प्रत्याभुत गर्न तयार रहेको बताए । ‘सहिदहरुले सामाजिक सद्भाव, राष्ट्रिय एकता, शान्ति र सृमद्धिका लागि नै बलिदान गरेका थिए’ प्रधानमन्त्री ओलीले भने–‘सहिदहरुको त्यो भावनाको हमी उच्च कदर गरेर काम गर्छौं ।’

वामगठबन्धनको बहुमतको सरकार देखेर केही मानिसहरु आतिएको बताउँदै प्रधानमन्त्री ओलीले यसलाई विभिन्न वहानामा कमजोर पार्ने कोशिसहरु असफल हुने बताए ।
प्रधानमन्त्री ओलीले नेकपा (एमाले) पहिलो पार्टी, कम्यूनिष्ट पार्टीको सरकार, कम्यूनिष्ट पार्टीको प्रदेश र स्थानीय सरकार भन्ने बानी बसाउनु बताए । कम्यूनिष्टहरुलाई फुटाएर फेरी आफ्नो राज स्थापना गर्न सकिन्छ कि भनेर कसैले सोच्नु सपनामा चकलेट खाए जस्तो मात्र हुने प्रधानमन्त्री ओलीको भनाई छ ।

तत्कालीन शासकले पञ्चायती व्यवस्थाका विरुद्ध आन्दोलन गरेको आरोपमा पक्राउ गरेका पाँच झापाली योद्धाहरु रामनाथ दाहाल, नेत्र घिमिरे, विरेन राजवंशी, कृष्ण कुँइकेल र नारायण श्रेष्ठलाई झापा र इलामको सिमानाम पर्ने सुखानीको जंगलमा लगेर गोली हानी हत्या गरेका थिए ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: