कक्षा ११ का विद्यार्थीको ‘डी प्लस’ अनिर्वाय

  प्रकाशित मिति
८ श्रावण २०७७, बिहीबार २२:३२


मेचीनगर ८, साउन । कक्षा १२ को परीक्षामा सहभागी हुन विद्यार्थीले कक्षा ११ का हरेक विषयमा सैद्धान्तिक तर्फ ‘डि प्लस’ ग्रेड ल्याउनै पर्ने भएको छ ।

राष्ट्रिय परीक्षा बोर्डद्वारा जारी ‘कक्षा ११ को परीक्षा सञ्चालन, व्यवस्थापन, मूल्याङ्कन तथा प्रमाणीकरण कार्यविधि’ मार्फत सैद्धान्तिकमा ‘डि प्लस’ र प्रयोगात्मक विषयमा न्यूनत्तम ‘सी’ ल्याउनै पर्ने व्यवस्था गरिएको हो ।

यसअघि बोर्डले लिँदै आएको कक्षा ११ को वार्षिक परीक्षा सम्बन्धित विद्यालयले नै लिने भएपछि त्यसका लागि कार्यविधि जारी गरिएको हो । शिक्षा ऐनमा कक्षा ११ को परीक्षा बोर्डले लिनै पर्ने व्यवस्था थिएन ।

सम्बन्धित विषय पठनपाठन गर्ने शिक्षक, प्रधानाध्यापक र विद्यालयलाई नै उत्तरदायी बनाएर परीक्षा सञ्चालन गरिने कार्यविधिमा उल्लेख छ ।

कार्यविधिमा प्रधानाध्यापक अध्यक्ष, सम्बन्धित कक्षा शिक्षक र विषयगत शिक्षकहरू मध्येबाट प्रधानाध्यापक र प्राचार्यबाट मनोनीत शिक्षक सदस्य रहने गरी परीक्षा तथा प्रमाणीकरण समिति गठनको व्यवस्था गरिएको छ ।

सैद्धान्तिक र प्रयोगात्मक दुबै परीक्षाको मूल्याङ्कनको अधिकार पनि प्रधानाध्यापक नेतृत्वको यही समितिलाई दिइएको छ ।

यसैबीच, आगामी शैक्षिक सत्रदेखि विद्यालयबाट ‘पास आउट’ भएका विद्यार्थीको लब्धाङ्क पत्रमा कक्षा १२ को मात्रै अंक राखिने भएको छ ।

बोर्डले सञ्चालन गरेको कक्षा ११ को परीक्षा दिइसकेका विद्यार्थीले भने ११ र १२ कक्षाकै मार्कसिट सहितको प्रमाण पत्र पाउने बोर्डका सदस्य सचिव दुर्गाप्रसाद अर्यालले जानकारी दिए ।
(अनलाइन खवर)

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: