कनकाईले पायो सुविधासम्पन्न एम्बुलेन्स उपहार

  प्रकाशित मिति
१८ आश्विन २०७७, आईतवार १३:३१


मेचीनगर, १८ असोज । महात्मा गान्धीको १५१ औं दिवसको अवसरमा भारतीय राजदुतावास काठमाडौंले झापाको कनकाई नगरपालिकासहित विभिन्न सरकारी तथा गैरसकारी संघसंस्थाहरुलाई एम्बुलेन्स र गाडी उपचार स्वरुप प्रदान गरेको छ ।

सो एम्बुलेन्स आधुनिक र सुविधा सम्पन्न रहेको कनकाई नगरपालिकाका प्रमुख राजेन्द्र पोखरेलले बताए । उनले एम्बुलेन्समा इसिजी तथा अक्सिजन मोनिटर, अटोमेड एक्सटर्नल डिफिव्रिलेटर, ट्राभलिङ भेन्टिलेटर, रक्तपाच जाँच उपकरण, स्टेथोस्कोप, ह्वील चियर, स्ट्रेचर र रेडियो संचार यन्त्र तथा फोर जी मोवायल डिभाइस जडान गरिएको बताए।

उनले नगरपालिककाको यो पहिलो एम्बुलेन्स भएको बताए । उनका अनुसार यस अघि कोभिड १९ का संक्रमितहरुलाई हस्पिटलसम्म पुर्याउन नगरले नेपाल रेडक्रस सोसाइटीको एम्बुलेन्स भाडामा लिएको थियो ।

नगरमा विभिन्न संघसंस्थाबाट यस अघि छ देखि सात वटा एम्बुलेन्स सञ्चालनमा रहेको उनले बताए । कार्यक्रममा सरकारी तथा गैरसरकारी गैरनाफामूलक संघसंस्थालाई ४१ वटा एम्बुलेन्स र दुर्गम जिल्लाका छ वटा स्कूललाई बस उपहार स्वरुप प्रदान गरिएको थियो ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: