काँकरभिट्टा नाकाबाट दिनहुँ लाखौँको सुपारी तस्करी

  प्रकाशित मिति
२० श्रावण २०७९, शुक्रबार १२:१९


मेचीनगर, २० साउन । मेचीनगर नगरपालिका–६ मेचीडाँडा छेउमा अबैध रुपमा भारततर्फ लैजादै गरेको १५० केजी सुपारी बरामद गरिएको छ ।
विहीबार दिउसो ४ बजे इलाका प्रहरी कार्यालय काँकरभिट्टबाट खटिएको प्रहरी टोलीले सो परिमाणको सुपारी बरामद गरेको हो ।

बरामद गरिएको सुपारी आवश्यक कारबारीका लागि मेची भन्सार कार्यालय काँकरभिट्टामा बुझाउने तयारी भइरहेको इलाका प्रहरी कार्यालय काँकरभिट्टाले जनाएको छ ।

भन्सार छलेर अवैधरुपमा भारत लान काँकरभिट्टाका विभिन्न गोदाममा ठुलो परिमाणमा सुपारी राखिएको हुन्छ । काँकरभिट्टा गोदामहरुबाट दैनिक लाखौँको सुपारीका बोराहरु मेची खोलाबाट भारत तस्करी भइरहेको छ ।

दिनहुँ लाखौँ रुपैयाँको सुपारी अवैधरुपमा भन्सार छलेर भारत तस्करी भइरहदा समेत प्रहरी प्रशासन रमिते बन्ने गरेको स्थानीयको भनाई छ ।

गोदामबाट बोराका बोरा सुपारी भारतीय भरियाहरुले मेची खोलाबाट तस्करी गरिरहदा समेत नजिकै रहेका जनपद र सशस्त्र प्रहरीहरु नदेखे जस्तो गर्ने गरेको स्थानीयको आरोप छ ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: