काँकरभिट्टा नाका : खोप र पीसीआर देखाए भारतीय नागरिकलाई प्रवेश दिइने

  प्रकाशित मिति
१४ भाद्र २०७८, सोमबार १४:०५


मेचीनगर, १४ भदौ । भारतीय नागरिकलाई आजदेखि काँकरभिट्टा नाकाबाट नेपाल प्रवेश गर्न दिन थालिएको छ ।

इलाका प्रहरी कार्यालय काँकरभिट्टाका प्रमुख डीएसपी सुनिलसिंह दाहालका अनुसार आजदेखि भारतीय नागरिकलाई कोरोना विरुद्वको खोप र पीसीआर गरेको कार्ड देखाएमा नेपाल प्रवेश गर्न दिन थालिएको हो ।

‘माथिबाट लिखित आदेश त आएको छैन’, डीएसपी दाहालले भने–‘तर मौखिक आदेशका कारण व्यवहारिकता हेरिदिने भनेकोले भारतीय नागरिकलाई खोप र पीसीआर गरेको कार्डको आधारमा नेपाल प्रवेश गर्न दिन थालिएको छ ।’

कोरोनाका कारण भारतीय नागरिकहरुलाई नेपाल प्रवेशमा रोक लगाईएको थियो । करिव ४ महिनापछि व्यवहारिकताका आधारमा भारतीय नागरिकहरुलाई नेपाल प्रवेशमा खुल्ला गरिएको छ ।

कोरोनाका कारण सुरुमा काँकरभिट्टा नाका पुरै ठप्प थियो । त्यसपछि केहि खुकुलो हुँदै गएको छ । यसअघि भारतबाट आउने नेपाली र नेपालबाट भारत जाने भारतीय नागरिकहरुलाई खोप र पीसीआरका आधारमा काँकरभिट्टा नाकामा आवत–जावत गर्न दिएको थियो ।

पश्चिम बंगाल सरकारले अझै पनि नेपाली नागरिकहरुलाई भारत प्रवेशमा रोक लगाएको छ । भारतमा जागिर गर्ने नेपालीलाई मात्र प्रवेश गर्न दिएको छ ।

।। अर्जुन कार्की ।।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: