काङ्ग्रेसका लागि ‘परिणाम अप्रत्यासित’

  प्रकाशित मिति
२६ मंसिर २०७४, मंगलवार ०९:३१


विर्तामोड । झापाको पाँच वटै प्रतिनिधि सभा र दश वटै प्रदेश सभाको सिटमा हारको गम्भीर धक्का व्यहोरेको नेपाली काङ्ग्रेसले चुनावी परिणामलाई अप्रत्यासित ठहर गरेको छ ।

नेपाली काङ्ग्रेस झापाको कार्यालयमा सोमवार बसेको बैठकले चुनावी समीक्षा गर्दै नसोचेको परिणाम आएको निष्कर्ष निकालेको हो ।

बैठकमा चुनावमा पराजय व्यहोरेका पार्टीका पूर्व महामन्त्री कृष्ण सिटौला, केन्द्रीय सदस्य विश्वप्रकाश शर्मा, जिल्ला सभापति उद्धव थापा, पूर्व उपसभापति देउमान थेबे लगायतको उपस्थिति रहेको थियो ।

जिल्ला सभापति थापाले बैठकपछि जारी गरेको विज्ञप्तिमा जनादेशलाई सहर्ष स्वीकार गर्दै पार्टी जिम्मेवार प्रतिपक्षीको भूमिकामा रहने उल्लेख गरिएको छ ।

विज्ञप्तिमा बिजयी उम्मेद्वारहरुलाई बधाइ दिदै आम जनताको मनोभावना अनुरुप निष्पक्ष र तटस्थताका साथ काम गर्न सुझाव दिइएको छ ।

काङ्ग्रेसले हारजितलाई स्वाभाविक रुपमा लिएको जनाउँदै विज्ञप्तिमा पार्टीका नेता तथा कार्यकर्तालाई थप उत्साहका साथ सङ्गठन बलियो बनाउन आग्रह गरिएको छ ।

बिजयी भएका उम्मेद्वारहरुको जुलुस र तथा र्यालीको क्रममा नेपाली काङ्ग्रेसका कार्यकर्ताको घरमा पटाका पड्काउने, हुलहुज्जत गर्ने, कुटपिट गर्ने र अमर्यादित शब्द प्रयोग गर्ने गतिविधि अबिलम्ब बन्द गर्न विज्ञप्तिमा सचेत गराइएको छ ।

मेचीनगर–२ सिर्जनाचोक घर भएका काङ्ग्रेस कार्यकर्ता चक्र सुब्बालाई विजय र्यालीका सहभागीहरुले कुटपिट गरेका कारण उपचारका लागि विर्तासिटी अस्पतालमा भर्ना गरिएको जनाउँदै विज्ञप्तिमा दोषी उपर आवश्यक कार्वाहीको माग गरिएको छ ।

(लोकतन्त्र पोस्ट दैनिकमा प्रकाशित)

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: