कार्यपालिकाको निर्णयहरु : भूमिहिनलाई जग्गा, पाटापुरमा बसपार्क

  प्रकाशित मिति
१६ श्रावण २०७९, सोमबार २२:३०


मेचीनगर, १६ साउन । मेचीनगर नगरपालिका नगर कार्यपालिकाको सोमबार बसेको वैठकले विभिन्न निर्णयहरु गरेको छ ।
नगरप्रमुख गोपाल चन्द्र बुढाथोकीको अध्यक्षतामा बसेको नगर कार्यपालिकाको वैठकले १३ वटा बुँदामा निर्णय गरेको छ ।

बार्षिक योजना तथा कार्यक्रम कार्यान्वयन मार्ग दर्शन सम्बन्धमा, कार्यविधि तथा मापदण्ड सम्बन्धमा, नगर कार्यपालिकाको कार्यालयका सवारी साधन सञ्चालन मापदण्ड, इन्धन सुविधा मापदण्ड, नगर सञ्चार प्रतिष्ठान सञ्चालन कार्यविधि, जग्गा बर्गिकरण सम्बन्धमा, भूमिहिन सुकुमबासी, भूमुहिन दलित र अव्यवस्थित बसोबासको, सामी परियोजना सम्बन्धी वैठकले निर्णय गरिएको छ ।

त्यस्तै वैठकले नगरको दररेट सम्बन्धमा, जग्गा प्राप्ति सम्बन्धमा, नगर प्रहरीको परीक्षाफल प्रकाशित गर्ने सम्बन्धमा, बेशीबजार हाट बजार प्रयोग भएको जग्गा सम्बन्धमा, सरस्वती बालकल्याण मावि मेचीनगर–१२ र इष्ट होराइजन अंग्रेजी विद्यालयमा कक्षा ११ मा विषय थपको अनुमति सम्बन्धमा, प्रिभेन्सन एण्ड कन्ट्रोल अफ कोभिड–१९ अन्तरगत साना शहरी योजनाका लागि जग्गा व्यवस्थापन सम्बन्धमा, सामाजिक सुरक्षा भत्ता वितरणका लागि बैँकसँगको सम्झौता र तारजाली खरिद सम्बन्धमा निर्णय गरेको छ ।

नगरप्रमुख बुढाथोकीले वडा नम्बर ८ मा भूमिहिन सुकुमबासी, भूमिहिन दलित र अव्यवस्थित बसोबासीका लागि जग्गा उपलब्ध गराउने बताए । उनले पाटापुरमा बसपार्क र वडा नम्बर ५ का लागि जग्गा उपलब्ध गराउने बताए ।

धुलाबारी स्वास्थ्य केन्द्रमा थप १६ वेडका लागि भवन बनाउने कार्यपालिकाले निर्णय गरेको उपप्रमुख उप्रेतीले जानकारी दिइन् ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: