कालोबजारी गर्नेहरु अनुगमन समितिको फन्दामा

  प्रकाशित मिति
२१ बैशाख २०७७, आईतवार १८:१६


भद्रपुर, २१ वैशाख । दैनिक उपभोग्य वस्तुमा कालोबजारी गर्ने पसलहरु कारवाहीमा पर्न थालेका छन् ।

जिल्लास्तरीय आपूर्ति व्यवस्था, अनुगमन सहजीकरण तथा नियन्त्रण समितिले एक हप्ता भित्रमा अनुगमन गरी मूल्य बृद्धि गर्ने, कारोवार स्थलमा खाता नराख्ने, नौपतौलमा गठी गर्ने, विल विजक जारी नगर्ने पसलहरुलाई रु. १ लाख ७० हजार बढी जरिवाना गरेको छ ।

समितिले आइतबार मात्र केचना कवल गाउँपालिकाका चारवटा पसललाई रु. ७० हजार जरिवाना गरेको छ । जरिवाना गरिएका पसलहरुमा केचनाकवल– ५ को गणेश राइस मिलको नाममा दर्ता गरिएको जयनारायण गणेशले सञ्चालन गरेको किराना र मदिरा पसललाई रु. १५ हजार, लालबाबु किराना पसललाई रु २० हजार, प्रदीप किराना पसलाई रु. २० हजार र सुरज किराना पसललाई रु. पाँच हजार गरी रु. ७० हजार जरिवाना गरिएको समितिका संयोजक तथा सहायक प्रमुख जिल्ला अधिकारी राजकुमार राईले बताए ।

समितिले पूजा स्टोर्सका सञ्चालक रामकुमार गणेश र भद्रपुर –६ का शुसील यादवलाई यही बैशाख २५ गते जिल्ला प्रशासन कार्यालयमा उपस्थित हुन आदेश दिएको छ । उनीहरुलाई अनावश्यक मूल्य वृद्धि गरी सामान विक्री वितरण गरेको आरोपमा कार्यालयमा हाजिर हुन आदेश दिइएको हो ।

समितिले दैनिक जिल्लाका विभिन्न स्थानमा तीबै रुपमा अनुगमन गरिरहेको छ । लकडाउनको मौका छोपी कालोबजारी गर्ने जो कोहीलाई पनि छुट नदिने सहायक प्रजिअको भनाई छ ।

समितिले यस अघि भद्रपुर नगरपालिका र गौरादह नगरपालिकाका पसलहरुमा अनुगमन गरी अनाधिकृत रुपमा पसल सञ्चालन गरी सामान विक्री गर्नेहरुलाई कारवाही गरेको थियो ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: