कोरोना सारलास् दमाई भन्दै कुटपिट गर्ने पक्राउ

  प्रकाशित मिति
९ भाद्र २०७७, मंगलवार १७:४४


मेचीनगर । कोरोना भाइरसको संक्रमण सारलास् दमाई भन्दै कुटपिट गर्ने श्रेष्ठ परिवारलाई प्रहरीले पक्राउ गरेको छ ।

जातीय भेदभाव गर्दै कुटपिट गर्ने मेचीनगर–१३ स्थित चारआलीका श्रेष्ठ परिवार विरुद्ध मङ्गलबार मुद्दा दर्ता भएको छ ।

जातीय भेदभाव गर्दै कुटपिट गरेको आरोपमा दुर्गा श्रेष्ठ र विष्णु प्रधान विरुद्ध ईलाका प्रहरी कार्यालय धुलाबारीमा उजुरी परेको हो ।

उनीहरुविरुद्ध मेचीनगर नगरपालिकाकी कार्यपालिका सदस्य तथा दलित अधिकारकर्मी निर्मला परियार (निरु), ध्रुब कनाल, रञ्जीत परियार लगायतको अगुवाईमा उजुरी दर्ता भएको छ ।

श्रेष्ठ परिवार पक्राउ परेका छन् । उनीहरुलाई मङ्गलबारै जिल्ला अदालत झापाबाट म्याद थप गरिएको प्रहरीले जनाएको छ ।

घटना अनुसार चारआली इलाम रोडका राजन दर्जी दुई महिना अघि भारतबाट आएर शनिशचरे माविको क्वारेन्टिनमा बसेका थिए ।

क्वारेन्टिनमा १४ दिन बसेर घर फर्किएका थिए । उनलाई श्रेष्ठ परिवारले सधै दमाई कोरोना सारलास भन्दै जथाभावी भन्ने गरेको श्रोतको भनाइ छ ।

सोमबार राती पनि त्यसै भनेपछि रिस सहन नसकेर दुवै पक्षवीच घम्साघम्सी परेको थियो । राजन भागेर उनकै घरमा डेरामा बसेकी
चन्द्रकला लामगादे र सागर खातीलाई गालीगलौज गर्दै कुटपिट गरेका थिए ।

श्रेष्ठ दम्पतीले राजनलाई जातीय रुपमा होच्याउँदै कुटपिट गरेपछि चन्द्रकलाले प्रतिकार गरेकी थिइन् । उनले यो समयमा जातभातको कुरा नगर्न आग्रह गर्दा उल्टै उनीमाथि श्रेष्ठ दम्पती जाई लागेका थिए ।

चन्द्रकला सात महिनाकी गर्भवती हुन् । उनी अहिले बिर्तामोडस्थित बीएण्डसी अस्पतालमा उपचाररत छिन् । उनको अवस्था सामान्य भए पनि गर्भमा रहेको शिशुको अवस्था नाजुक रहेको उनका पति सागरले बताए ।

हाल काठमाडौँमा कार्यरत चन्द्रकला महिला प्रहरी हुन् । उनी बहालवाला राष्ट्रिय खेलाडी समेत हुन् । गर्भवती भएकी कारण उनी विदामा घर आएकी थिइन् ।
कुटपिटमा संलग्न दुर्गा श्रेष्ठ भने नेपाली सेनाबाट अवकास प्राप्त व्यक्ति हुन् ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: