गठबन्धनको सिट बाँड्ने कार्यदलको संयोजकमा सिटौला

  प्रकाशित मिति
२३ श्रावण २०७९, सोमबार १८:१५


कृष्ण प्रसाद सिटौला ।

झापा, २३ साउन । मंसिर ४ मा हुने प्रतिनिधिसभा र प्रदेशसभा निर्वाचनको लागि सिट बाँडफाँट गर्न गठबन्धनद्वारा गठित कार्यदलको संयोजकमा कांग्रेसका पूर्व महामन्त्री कृष्ण प्रसाद सिटौला चयन भएका छन् ।

प्रधानमन्त्री निवास बालुवाटारमा आज बसेको पहिलो बैठकले सिटौलालाई बैठकको संयोजन गर्ने जिम्मा दिएको कार्यदल सदस्य ज्ञानेन्द्र बहादुर कार्कीले जानकारी दिए ।

पहिलो बैठकमा सबैले आआफ्नो धारणा राखेको र ठोस कार्ययोजनासहित साउन २६ गते अर्को बैठक बस्ने कार्कीले बताए । यो कार्यदलले सिट बाँडफाँटको लागि विस्तृत छलफल गरेर आफ्नो प्रतिवेदन शीर्ष बैठकमा पेश गर्ने उनले जानकारी दिए ।

कार्यदलमा कांग्रेसबाट सिटौला र कार्कीसहित महामन्त्री गगन थापा छन् । माओवादी केन्द्रबाट वर्षमान पुन र जनार्दन शर्मा तथा नेकपा एसबाट प्रमेश हमाल र बेदुराम भुसाल सदस्य छन् ।

कार्यदलमा जसपाबाट रकम चेम्जोङ र रामसहायप्रसाद यादव र राष्ट्रिय जनमोर्चाबाट हिमलाल पुरी र आनन्द शर्मा छन् ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: