जनसंसद्को अध्यक्षमा केशवराज पाण्डे

  प्रकाशित मिति
२८ पुष २०७६, सोमबार १९:०८


मेचीनगर । जनसंसद् दैनिकको अध्यक्षमा सामाजिक क्षेत्रका अग्रणी युवा केशवराज पाण्डे चयन भएका छन् ।

हाम्रो प्रकाशन समूह प्रालिको सोमवार काँकरभिट्टामा सम्पन्न साधारणसभाले सञ्चालन समितिको अध्यक्षमा पाण्डेलाई सर्वसम्मत चयन गरेको हो ।

२०६२ साल असोज १४ गते प्रकाशन सुरु गरेको जनसंसद् दैनिक झापाको अग्रणी र लोकप्रिय पत्रिका हो । स्थापनाकालदेखि प्रकाशन संस्थाको अध्यक्षमा कृष्णप्रसाद उप्रेती रहेका थिए ।

साधारणसभाले समितिको उपाध्यक्षमा कमल थापा, सचिवमा मुक्ति पौडेल र कोषाध्यक्षमा विमल आचार्यलाई चयन गरेको छ ।

निर्देशकमा सञ्जीव राईलाई सभाले चयन गरेको छ । समितिको सदस्यमा अर्जुन कार्की र विनोद बस्नेत चयन भएका छन् ।

२०६२÷०६३ को जनान्दोलनलाई सफल बनाउन झापाबाट सशक्त भूमिका निर्वाह गरेको जनसंसद् दैनिकलाई नयाँ योजनासहित प्रभावकारी एवम् व्यावसायिक बनाइने नवनिर्वाचित अध्यक्ष केशवराज पाण्डेले बताएका छन् ।

नेपाल उद्योग वाणिज्य महासङ्घको केन्द्रीय सदस्य र नेपाली काङ्ग्रेस पार्टीको जिल्ला कोषाध्यक्ष पदमा रहेका पाण्डे जनसंसद् दैनिकको संस्थापक सञ्चालकमध्येका एक हुन् ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: