ज्येष्ठ नागरिकको आश्रममै पुगेर न्यायो कपडा वितरण

  प्रकाशित मिति
२१ पुष २०७६, सोमबार ०८:३६


 

भद्रपुर । नेपाल रेडक्रस सोसाइटी र जिल्ला विपद व्यवस्थापन समितिले संयुक्त रुपमा पुसको कठाङ्ग्रिदो जाडोमा ज्येष्ठ नागरिकको आश्रममै पुगेर न्यायो कपडा वितरण गरेको छ ।

रेडक्रसले आइतबार कनकाई नगरपालिका र शिवसताक्षी नगरपालिकामा रहेका बृद्धाश्राममा पुगेर ९० बर्षसम्मका ११२ जना ज्येष्ठ नागरिकलाई कमल वितरण गरेको हो । जिल्ला विपद व्यवस्थापन समितिका संयोजक प्रमुख जिल्ला अधिकारी उदयबहादुर रानामगरसहितको टोलीले उनीहरुलाई कमल वितरण गरेको थियो ।

समितिले चिसो बढेसँगै विभिन्न स्थानमा रहेका विपन्न परिवार र कारागारमा बन्दी जीवन विताइरहेका कैदीबन्दीलाई समेत व्ल्याङ्केट वितरण गरेको छ । ११६३ जना कैदीबन्दी रहेको झापा कारागारमा न्यायो कपडा किन्न नसक्ने २०५ जना कैदीबन्दीलाई केही दिन अघि मात्र न्यायो व्ल्याङ्केट, एक सय वटा म्याटेस र ५० वटा त्रिपाल वितरण गरेको रेडक्रसका अध्यक्ष लोकराज ढकालले बताए ।

उनका अनुसार समितिले अनाथ आश्रम, बृद्धाश्राम र नगरपालिका – गाउँपालिकाले सिफारिस गरेमा अति विपन्न परिवारलाई समेत घरमै पुगेर न्यायो कपडा वितरण गरिने छ । चिसोका कारण जिल्लाका बासिन्दालाई समस्या नपरोस् भनेर जिल्ला विपद व्यवस्थानसँग मिलेर रेडक्रसले आकस्मिक योजना नै बनाएर काम गरिरहेको रेडक्रस अध्यक्ष ढकालले बताए ।

 

 

 

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: