ज्येष्ठ नागरिक स्वास्थ्य केन्द्र बनाइने

  प्रकाशित मिति
२७ माघ २०७४, शनिबार १२:४१


भद्रपुर । भद्रपुर नगरपालिकाका जनप्रतिनिधिले आफ्ना पाँच वर्षको कार्यकालमा नगरपालिकालाई पृथक ढंगले विकास गरी नमूना नगरपालिका बनाउने उद्घोष गरेका छन् ।

जिल्ला समन्वय समित झापाद्वारा शुक्रबार गरिएको अनुगमनमा नगरपालिका प्रमुख जीवनकुमार श्रेष्ठले नगरपालिकाको चौतर्फी विकास गर्न आफूलगायत सबै जनप्रतिनिधि लागिपरेको बताउँदै यसका लागि तत्काल गर्न सकिने र दीर्घकालीन महत्व राख्ने योजना तयार गरी विकासलाई गति दिने जानकारी दिए ।
उनले ज्येष्ठ नागरिक स्वास्थ्य सेवा केन्द्र र संग्रहालय बनाइने, विषादीरहित तरकारी तथ कृषि प्रणालीलाई टेवा दिनेजस्ता कार्यक्रम राखिएको जानकारी दिए । अनुगमनमा जिल्ला समन्वय समिति झापाका प्रमुख सोमनाथ पोर्तेल, जिल्ला समन्वय अधिकारी खेमराज ओझासहितको टोली संलग्न थियो । नगरपालिकाका प्रशासकीय अधिकृत काजीमान राईले नगरपालिकाका योजना र कार्यक्रमका बारेमा जानकारी दिए ।

सो अवसरमा संयोजक पोर्तेलले स्थानीय तह स्थानीय सरकार भएकाले यसबाट सम्पादन हुने कार्य जनमुखी, वैज्ञानिक र व्यावहारिक हुनुपर्नेमा जोड दिए । जिल्ला समन्वय अधिकारी ओझाले स्थानीय तहलाई जनताको इच्छा एवम् चाहना बमोजिम विकासका कार्यक्रम अगाडि बढाउन सुझाव दिए । नगरपालिकाका उपप्रमुख तथा न्यायिक समितिका संयोजक चन्द्रा श्रेष्ठले आफूले न्याय सम्पादन गर्दा न्यायिक अधिकारीको कमी रहेको कारण यहाँ दर्ता हुने मुद्दा फछ्र्योट गर्न समस्या उत्पन्न भएको बताइन् ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: