झापामा आज २ को मृत्यु, २० जना संक्रमित थपिए

  प्रकाशित मिति
२७ मंसिर २०७७, शनिबार १६:५१


मेचीनगर, २७ मंसिर । झापामा आज २० जना संक्रमित थपिएका छन् । केहिदिन यता संक्रमित भएकामध्ये २ जनाको मृत्यु भएको छ ।

स्वास्थ्य कार्यालय झापाका अनुसार शुक्रवार जिल्लाका १० वटा पालिकामा १० महिला र १० जना पुरुषसहित २० जनामा कोरोना भाइरसको संक्रमण र दुई जनाको मृत्यु भएको हो ।

दमक नगरपालिकामा २ महिलासहित ३ जना, मेचीनगर नगरपालिकामा १ जना पुरुष, बिर्तामोड नगरपालिकामा १ महिलासहित २ जना, कनकाई नगरपालिकामा १ महिलासहित ३ जना संक्रमित रहेको स्वास्थ्य कार्यालय झापाका फोकल पर्सन जीवन चौलागाईले बताए ।

यसैगरी, गौरादह नगरपालिकामा १ महिलासहित ४ जना पुरुष, भद्रपुर नगरपालिकामा १ जना महिला, कचनकवल गाउँपालिकामा १ महिलासहित २ जना, बाह्रदशी गाउँपालिकामा १ जना महिला, बुद्वशान्ति गाउँपालकामा १ महिलासहित २ जना, र हल्दीबारी गाउँपालिकामा १ जना महिला संक्रमित रहेको उनले जानकारी दिए । संक्रमित सबै जना स्थानीय हुन् ।

त्यसैगरी आज मृत्यु हुनेका २ जना पुरुष छन् । जसमा मेचीनगर–१० का ७८ वर्षीय र बिर्तामोड–४ का ८१ वर्षीय पुरुषको कोरोना भाइरसका कारण मृत्यु भएको कार्यालयले जनाएको छ ।

झापामा हालसम्म ३४ हजार ४७७ स्वाब संकलन गरिएका मध्ये ४ हजार ३०० जना संक्रमित छन् । जिल्लामा हालसम्म १२२ जनाको मृत्यु भइसकेको छ ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: