झापामा आज ४ को मृत्यु, ७५ जनामा कोरोना

  प्रकाशित मिति
२५ कार्तिक २०७७, मंगलवार १७:१८


मेचीनगर, २५ कार्तिक । झापामा आज थपिएका ७५ जना संक्रमित मध्ये ४ जनाको मृत्यु भएको छ ।

स्वास्थ्य कार्यालय झापाका अनुसार जिल्लाका १३ वटा पालिकामा ५२ महिला र २३ जना पुरुषसहित ७५ जनामा कोरोना भाइरसको संक्रमण पुष्टि भएकोमा ४ जनाको मृत्यु भएको हो ।

दकम नगरपालिकामा १५ महिलासहित २२ जना, बिर्तामोड नगरपालिकामा ८ महिलासहित १४ जना, गौरादह नगरपालिकामा ३ जना महिला, मेचीनगर नगरपालिकामा २ जना महिला, भद्रपुर नगरपालिकामा ९ महिलासहित १० जना, कनकाई नगरपालिकामा २ जना महिला संक्रमित रहेको स्वास्थ्य कार्यालय झापाका फोकल पर्सन जीवन चौलागाईले बताए ।

यसैगरी अर्जुनधारा नगरपालिकामा २ जना महिला, बुद्वशान्ति गाउँपालिकामा १ जना पुरुष, गौरीगञ्ज गाउँपालिकामा ३ महिलासहित ५ जना, कमल गाउँपालिकामा ३ महिलासहित ७ जना, शिवसताक्षी नगरपालिकामा २ महिलासहित ४ जना, बाह्रदशी गाउँपालिकामा १ जना महिला र हल्दीबारी गाउँपालिकामा २ जना महिलालाई संक्रमण भएको उनले बताए ।

संक्रमित सबै जना स्थानीय हुन् । भद्रपुरका १ जना भारतीय र १ जना पालिका नखुलेको कार्यालयले जनाएको छ ।

मृत्यु हुनेमा १ जना महिलासहित ४ जना छन् । कचनकवल–६ का ६८ वर्षीया महिलाको होम आइसोलेसनमा मृत्यु भएको छ । हल्दीबारी–४ का ७० वर्षीय पुरुषको नोवेल अस्पताल विराटनगर, गौरादह–५ का २६ वर्षीय पुरुषको पनि नोवेल अस्पतालमा र मेचीनगर–२ का ८६ वर्षीय पुरुषको पनि नोवेल अस्पताल विराटनगरमा कोरोना भाइरसका कारण मृत्यु भएको चौलागाईले बताए ।

झापामा हालसम्म २ हजार ७२४ जना संक्रमित छन् । जिल्लामा हालसम्म ७० जनाको मृत्यु भइसकेको छ ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: