झापामा कोरोना संक्रमितको संख्या १३६

  प्रकाशित मिति
२३ जेष्ठ २०७७, शुक्रबार २०:०७


मेचीनगर । शुक्रबार थपिएका १२ सहित झापामा कोरोना भाइरस संक्रमितको संख्या १३६ पुगेको छ ।

प्रदेश एकको सामाजिक विकास मन्त्रालयका प्रवक्ता डा.सुरेश मेहताका अनुसार थप ३९ जना कोरोना संक्रमित मध्य झापामा १२ जना थपिएका छन् ।

संक्रमण पुष्टि हुनेमा झापाको कचनकवलका १० जना, गौरादह नगरपालिका र गौरीगञ्ज गाउँपालिकाका १÷१ जना रहेको स्वास्थ्य तथा जनसंख्या मन्त्रालयले जनाएको छ ।

स्वास्थ्य कार्यालय झापाका फोकल पर्सन जीवन चौलागाईले जिल्लामा कोरोना संक्रमितको संख्या १३६ पुगेको बताए ।

उनका अनुसार शुक्रबार थपिएका १२ सहित कचनकवल गाउँपालिका ११२, भद्रपुर नगरपालिकाका ४, दमक नगरपालिकाका १, गौरादह नगरपालिकाका ३, बुद्वशान्ति गाउँपालिकाका ५, कमल गाउँपालिकाका १, गौरीगञ्ज गाउँपालिकका ५, बाह्रदशी गाउँपालिकाका ४ र झापा गाउँपालिकाका १ जना कोरोना संक्रमित रहेका छन् ।

संक्रमित मध्य हालसम्म २४ जना व्यक्ति विराटनगर स्थित कोभिड अस्पतालबाट निको भएर घर फर्किसकेको फोकल पर्सन चौलागाईले जानकारी दिए ।

अब झापाका ३०० जना भन्दाबढीको पीसीआर रिपोर्ट आउन बाँकी रहेको उनको भनाई छ ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: