झापामा र्यापिड र स्वाबको टेष्ट धमाधम

  प्रकाशित मिति
२ बैशाख २०७७, मंगलवार १८:०८


मेचीनगर । कोरोना भाइरस (कोभिड–१९) को संक्रमणको आशंंकामा झापाका विभिन्न क्वारेन्टाइन र आइसोलेसनमा बसेका व्यक्तिहरुको आरडीटी र स्वाबको परिक्षण धमाधम भइरहेको छ ।

स्वास्थ्य कार्यालय झापाका स्वास्थ्यकर्मीहरुको टोलीले जिल्लाका क्वारेन्टाइन र आइसोलेसनमा बसेका व्यक्तिहरुको आरडीटी र स्वाबको परिक्षण धमाधम गरिरहेको छ ।

स्वास्थ्य कार्यालय झापाका कार्यक्रम अधिकृत जीवन चौलागाईले झापाको १५ वटै स्थानीय तहको २२ वटा क्वारेन्टाइन र १० वटा आइसोलेसनमा बसेका व्यक्तिहरुको आरडीटी र स्वाबको परिक्षण लिने कार्यक्र धमाधम भइरहेको बताए ।

स्थानीय सरकारमार्फत जिल्लाका विभिन्न ठाउँमा क्वारेन्टाइन तथा दमक अस्पतालमा २ वटा र मेची अञ्चल अस्पतालमा ८ वटा आइसोलेसन कक्ष राखिएको छ ।

जिल्ला विपद व्यवस्थापन सहयता कक्षका सचिव समेत रहेका चौँलागाईले चैत २७ गतेदेखि मङ्गलबारसम्म झापामा १३८ जनाको आरडीटीको टेष्ट गरिएको उनले बताए ।

उनका अनुसार ११७ पुरुष र २१ जना महिलाको आरडीटी टेष्ट गरिएको छ । उनिहरुको आरडीटी किटबाट परीक्षण गरिएकाहरुको सबैको रिपोर्ट नेगेटिभ आएको चौलागाईले जानकारी दिए ।

‘आरडीटी किटबाट परीक्षण गरिएकाहरुको रिपोर्ट नेगेटिभ आएको भए तापनि विदेशबाट आएका, धेरै उमेरका र केही मिल्दोजुल्दो लक्षण भएका ४४ जना छानेर उनीहरुको थ्रोट स्वाब लिएर परीक्षणका लागि पठाइएको थियो’ उनले भने ।

३ महिला र ४१ जना पुरुषको स्वाब परीक्षणको रिपोर्ट पनि नेगेटिभ आएको स्वास्थ्य कार्यालय झापाका निमित्त प्रमुख ईश्वरी पौडेलले बताए ।

आरडीटीको रिपोर्ट तत्कालै आएपनि थ्रोट स्वाबको जाँच प्रदेश नं.१ को विराटनगर प्रादेशिक अस्पतालको प्रयोगशालामा हुने गरेको बताइएको छ ।

।। अर्जुन कार्की ।।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: