ट्रकले ठक्कर दिँदा क्रिकेटर भण्डारी र ठगुन्ना घाइते

  प्रकाशित मिति
२९ भाद्र २०७७, सोमबार ०८:४५


ललित भण्डारी

मेचीनगर, २९ भदौ । कञ्चनपुरमा मिनी ट्रकले स्कुटरलाई ठक्कर दिँदा नेपाली राष्ट्रिय क्रिकेटर ललित भण्डारीसहित दुई जना घाइते भएका छन् । घाइते हुनेमा तीव्र गतिका बलर भण्डारी र करण ठगुन्ना छन् ।

आइतबार बेलुकी ७ बजे शुक्लाफाँटा नगरपालिका–१० झलरीमा दुर्घटना भएको जिल्ला प्रहरी कार्यालयका डिएसपी अमरबहादुर थापाले जानकारी दिए ।

उनका अनुसार भण्डारीले चलाएको म २ प ४७०५ नम्बरको स्कुटर महेन्द्रनगरबाट पूर्वतर्फ जाँदै थियो । सोही बेला विपरीत दिशाबाट आएको से १ ख १३२४ नम्बरको मिनी ट्रकले स्कुटरलाई ठक्कर दिएको थियो ।

डिएसपी थापाका अनुसार भण्डारीको हात, कम्मर र टाउकोमा चोट लागेको छ । उनको अवस्था मध्यम भएको र ठगुन्नाको सामान्य रहेको उनले बताए ।

उनीहरु दुवैलाई उपचारका लागि धनगढीको मायामेट्रो अस्पताल लगिएको छ ।

प्रहरीले स्कुटर र मिनी ट्रक नियन्त्रणमा लिएको छ । मिनी ट्रकका चालक भने फरार रहेको प्रहरीले जनाएको छ ।

(सेतोपाटी)

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: