ट्रान्सपोर्ट भलाइको शाखा काँकरभिट्टामा

  प्रकाशित मिति
१४ भाद्र २०७५, बिहीबार १०:१७


मेचीनगर । यूनाइटेड नेपाल ट्रान्सपोर्ट भलाई एन्ड इन्भेस्टमेन्टले काँकरभिट्टामा १८ औँ शाखा स्थापना गरेको छ ।

बुधबार यातायात क्षेत्रको विद्यमान अन्यौलता, चुनौती र समस्या समाधानका लागि निष्कर्षसहित एक अन्तरक्रिया कार्यक्रमको आयोजना गरी शाखाको उद्घाटन गरिएको हो ।

शाखाको उद्घाटन प्रदेश नम्बर १ का सांसद झलकसिंह दर्लामीले गरेका थिए । सवारी दुर्घटनाका कारण धनजनको व्यापक क्षतिबाट विस्थापित हुन पुगेका व्यवसायीहरुको हितका लागि काँकरभिट्टामा यूनाइटेडले शाखा स्थापना गरेको संस्थाका अध्यक्ष राजेन्द्रप्रसाद तिवारीले बताए ।

उनका अनुसार यसअघि यस संस्थाले बिर्तामोड, दमक, इटहरी, पाँचथर, ताप्लेजुङ, विराटनगर, धनकुटा, सप्तरी, बर्दिवास, नारायणघाट, जनकपुर, हेटौँडा, खुर्कोट–सिन्धुली, बुटवल, विरगञ्ज, पोखरा, नागढुङ्गा र धुलिखेलमा शाखा विस्तार गरेर सेवा प्रदान गर्दै आएको छ ।

तिवारीले कार्यक्रममा कार्यपत्र समेत प्रस्तुत गरेका थिए । वि.सं. २०७१ सालमा स्थापना भएको संस्थामा हालसम्मम ६ हजार ३ सय वटा सवारी साधनहरु दर्ता भएका छन् ।

कार्यक्रममा जिल्ला प्रहरी कार्यालयका प्रहरी उपरीक्षक भीमप्रसाद ढकालले संस्थालाई राज्यको नियम र कानुन अनुसार चल्न अनुरोध गरेका थिए ।

कार्यक्रममा विभिन्न यातायातसँग सम्बन्ध व्यक्तिहरुले संस्थाले विगतमा गरेका काम र भविष्यमा गर्नुपर्ने कामका बारेमा सल्लाह सुझाव दिएका थिए ।

संस्थाका केन्द्रीय अध्यक्ष राजेन्द्रप्रसाद तिवारीको अध्यक्षतामा सम्पन्न कार्यक्रममा बिर्तामोड शाखाका संयोजक विष्णु सिटौलाले स्वागत मन्तव्य व्यक्त गरेका थिए ।

नगरका विभिन्न सङघसंस्थाका प्रमुखहरुको उपस्थिति रहेको कार्यक्रमको सञ्चालन यातायात व्यवसायी केवलराम राई र सञ्चारकर्मी टिकाराम नेतिले गरेका थिए ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: