डाक्टरसहित आइसोलेसनमा बसेका ४ जनाको रिपोर्ट नेगेटिभ

  प्रकाशित मिति
७ भाद्र २०७७, आईतवार ०९:४५


मेचीनगर । आम्दा मेची अस्पताल धुलाबारीका डाक्टरसहित ४ जनाको स्वाबको रिपोर्ट नेगेटिभ आएको छ ।

आम्दाका एकजना डाक्टर र धाइजनको आइसोलेसनमा बसेका मेचीनगर–१० का ६० र २४ वर्षीया महिला तथा एक जना १३ वर्षीय बालकको स्वाबको नमुनाको रिपोर्ट नेगेटिभ आएको हो ।

आइतबार धाइजनको आइसोलेसनमा बसेका तीनै जनालाई मेचीनगरपालिकाका सामाजिक विकास समिति संयोजक नविन बरालले फुल दिएर घर पठाएका छन् ।

उनीहरुको भदौ ४ गते स्वाबको नमुना संकलन गरेर मेची प्रादेशिक अस्पातल भद्रपुर पठाइएको थियो ।

भद्रपुरबाट आज चारै जनाको रिपोर्ट नेगेटिभ आएको संयोजक बरालले जानकारी दिए ।

उनीहरुलाई १४ दिन घरैमा सुरक्षित भएर बस्न बरालले आग्रह गरे ।

यसअघि धाइजनको आइसोलेसनबाट ७ जना निको भएर घर फर्किएका थिए ।

योसँगै मेचीनगरमा अस्पतालबाट निको भएर घर फर्किनेको संख्या ९६ जना पुगेका छन् ।

हालसम्म मेचीनगरमा कोरोना संक्रमित १०६ जना छन् ।

।। अर्जुन कार्की ।।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: