तातोपानी र रसुवागढी नाका खुल्यो

  प्रकाशित मिति
१९ आश्विन २०७७, सोमबार १४:३१


मेचीनगर, १९असोज । चीनतर्फका दुइटा नाका सञ्चालनमा आएका छन् ।

केही दिनदेखि पहिरोले सडक अवरुद्ध भएका कारण अनियमित भएको नाकाबाट सामान आयात सोमबारदेखि सुचारु भएको हो ।

चीनबाट मालबाहक गाडीहरु सिधै आउजाउ गर्न थालेको रसुवागढी भन्सारका प्रमुख पुण्यविक्रम खड्काले जानकारी दिए ।

चीनले यसबीचमा स्वास्थ्य सामग्री, इलोक्ट्रोनिक सामग्री मात्रै ल्याउन दिएको थियो । आजदेखि रेडिमेट गार्मेन्ट लगायत सामग्री बोकेका कन्टेनर पनि आउन थालेका हुन् ।

‘दिनमा ३० भन्दा बढी सामान बोकेका कन्टेनर आउन थालेका छन् । अब नाका पूर्ण रुपमा सञ्चालनमा आयो,’ खड्काले भने ।

पहिलेजस्तो नाकामा पुगेर सामानहरु अनलोड गरी पुनः नेपाल तर्फको ट्रकमा लोड गर्नुपर्ने झन्झट अब हटेको उनले बताए ।

‘सामान बोकेका कन्टेनर सिधैं काठमाडौं आउजाउ गर्न थालेका छन्,’ उनले भने ।

यस्तै सिन्धुपाल्चोक स्थित तातोपानी नाका पनि सञ्चालनमा आएको छ । करिब डेढ महिनादेखि यो नाकाबाट मालवाहक सामग्री बोकेका कन्टेनर आएका थिएनन् ।

गत असोज १३ मा नेपाली र चिनियाँ अधिकारीबीच तातोपानी नाका सञ्चालनमा ल्याउनेबारे सहमति भएको थियो । आज १० वटा भन्दा बढी कन्टेनरबाट कपडा लगायत सामग्री आएको तातोपानी भन्सारले जनाएको छ ।

दुबै नाका सञ्चालनमा ल्याउन त्यहाँका कर्मचारीदेखि सामान लोड अनलोड गर्ने मजदुरको यसअघि नै पीसीआर परीक्षण गरिएको थियो । चाडवाडको मुखमा नाका सञ्चालनमा आएपछि सामान आयात गर्न सहज भएको छ ।

(सेतोपाटी)

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: