नगरपालिकाले मिडियालाई महत्व नदिएको आरोप

  प्रकाशित मिति
१० आश्विन २०७९, सोमबार २१:२२


मेचीनगर, १० असोज । प्रेस क्लव मेचीनगरको आयोजनामा सोमबार शुभकामना आदान प्रदान तथा नेपालमा पत्रकारिता विगत र बर्तमान विषयक अन्तरक्रिया कार्यक्रम सम्पन्न भएको छ ।
कार्यक्रमको उद्घाटन् मेचीनगर नगरपालिकाका मेयर गोपाल चन्द्र बुढाथोकीले व्यानर पढेर गरेका थिए ।

कार्यक्रमका अधिकाशं वक्ताहरुले स्थानीय सरकारले सञ्चार माध्यमलाई महत्व नदिएको आरोप लगाए । कोरोनापछि सञ्चार क्षेत्र संकटमा परेको बताउँदै समस्या समाधानका लागि स्थानीय सरकारले ध्यान दिनु पर्नेमा उनीहरुको जोड थियो ।

कार्यक्रममा नेपाल पत्रकार महासंघ झापा शाखाका उपाध्यक्ष केशव भट्टराई, प्रेस क्लबका संस्थापक अध्यक्ष सन्तोष आचार्य, पूर्वअध्यक्ष मुक्ति पौडेल, नारी सञ्चार गृहकी पूर्वअध्यक्ष अम्बिका भण्डारी, इलाका प्रहरी कार्यालय काँकरभिट्टाका प्रमुख डीएसपी ज्ञानकुमार महतो, प्रेस चौतारी झापाका सचिव प्रकाश पौडेल, प्रेस सेन्टर झापाका अध्यक्ष झुलन रेग्मी लगायतले वडा दशैंको शुभकामना व्यक्त गर्दै सञ्चार क्षेत्रमा परेको संकट समाधानका लागि नगरपालिकाले महत्वपूर्ण भूमिका निर्वाह गर्न अनुरोध गरे ।

नगरका जनप्रतिनिधिहरुले वडाका सूचना आफैले सामाजिक सञ्जालमा पोष्ट गरेर सञ्चारमाध्यमलाई धुमिल बनाउन खोजेको र जनतालाई सूचनाको हकबाट बन्चित गरिहेको भन्दै पत्रकारहरुले आपत्ति जनाएका थिए ।

प्रमुख अतिथि बुढाथाकीले नगर र सबै वडा कार्यालयलाई व्यवस्थित गर्न आफू लागेको बताए । नगरको प्रेस संयोजक नियुक्तिको तयारी भइरहेको जानकारी दिर्दै मेयर बुढाथाकीले पत्रकारले प्रविधिको विकाससँगै प्रवृतिलाई सुधार गर्न आग्रह गरेका थिए ।

कार्यक्रममा नारी सञ्चार गृहकी पूर्वअध्यक्ष भण्डारीले अक्षयकोष स्थापनाका लागि नगद ५ हजार प्रेस क्लबलाई हस्तान्तरण गरेकी थिइन् ।

शुभकामना कार्यक्रमपछि प्रशिक्षण तथा अन्तरक्रिया भएको थियो । सहभागी पत्रकारहरुलाई नेपाल पत्रकार महासंघ झापाका पूर्वअध्यक्ष चिन्तामणि दाहालले पत्रकारिताको इतिहास, वर्तमान र भविष्यको चुनौतिका बारेमा जानकारी गराएका थिए ।

प्रेस क्लव मेचीनगरका अध्यक्ष डम्बर बरालको अध्यक्षतामा सम्पन्न कार्यक्रममा स्वागत उपाध्यक्ष जिआर धितालले र कार्यक्रमको सञ्चालन सचिव देवु बानियाँले गरेका थिए ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: