चार दिनमा १४६ गाडी भित्रिए (फोटो फिचर)

  प्रकाशित मिति
३० बैशाख २०७७, मंगलवार १९:४२


मेचीनगर । चार दिनमा एकसय ४६ वटा भारतीय मालबाहक गाडी काँकरभिट्टा भित्रिएको छ ।

गत शनिबारदेखि मङ्गलबार सम्मा उक्त संख्यामा भारतीय मालबाहक गाडी काँकरभिट्टा भित्रिएको हो ।

पश्चिम बंंगाल सरकारले काँकरभिट्टातर्फ आउने मालबाहक सवारी साधनलाई शुक्रबारदेखि एकतर्फी रुपमा पानीट्याङ्की नाका खोलिदिएपछि भारतीय मालबाहक गाडीहरु नेपाल भित्रिन थालेका छन् ।

नेपाल इन्टरमोडल यातायात विकास समिति काँकरभिट्टा (सुख्खा बन्दरगाह) की प्रमुख अम्बिका सुबेदीले मङ्गलबार मात्र ४० वटा भारतीय मालबाहक गाडी काँकरभिट्टा आइपुगेको बताइन् ।

मेची भन्सार कार्यालयको परिसरमा मङ्गलबार आइपुगेका मालबाहक गाडीहरुमा ६ वटा सब्जीको पिकअप, २ वटा ग्यासको ट्याङ्कर, एउटा चामलको गाडी, ९ वटा कोइलाको गाडी, १४ वटा सिलबन्दी कन्टेनर, ५ वटा खरानी बोकेको कन्टेनर, एउटा मेसिनको गाडी, एउटा रेजिनको गाडी र एउटा आलुको गाडी रहेको उनले जानकारी दिइन् ।

गत शनिबार ३१, आइतबार ४०, सोमबार ३५ वटा गाडी काँकरभिट्टा आइपुगेको थियो ।

जस्मा कोइला, सब्जी, फलफुल, चकलेट, कृषिमा प्रयोग गरिने किरा मार्ने औषधि लगायतका अत्यावश्यक सामग्री रहेकोे थियो ।

भारतबाट भित्रिन थालेका गाडीका लस्कर र गाडीसँगै आउने चालक दलको कोरोना जाँच सामान्य रुपमा भइरहेको छ ।

उक्त गाडीमा चालक र सहचालकहरुको ज्वरो नाप्ने र गाडीमा बिल्चिङ पाउडरद्वारा स्प्रे गरिन्छ ।

प्रज्ञापन पत्र र जाँच पास गर्दा ढिलो भएमा चालक र सहचालकलाई मेची भन्सार कार्यालयले भान्सा कोठाको व्यवस्था गरिदिएको छ ।

‘उनीहरुले आफै चामल र तरकारी बोकेर आएका हुन्छन्’, मेची भन्सार कार्यालयका प्रमुख ध्रुबराज विश्वकर्माले भने–‘बाहिर नजाने गरी भान्सामा सामाजिक दुरी कायम गरेर पकाएर खाना दिएका छौँ ।’

।। अर्जुन कार्की ।।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: