पत्रकार महासंघ प्रदेशको विराटनगरमा आफ्नै भवनमा

  प्रकाशित मिति
३ आश्विन २०७७, शनिबार २०:३७


मेचीनगर, ३ असोज । नेपाल पत्रकार महासंघ, १ नं. प्रदेश समितिको कार्यालय आजदेखि आफ्नै नवनिर्मित भवनमा सरेको छ ।

विराटनगर–५ मा बन्दै गरेको भवनमा संविधान दिवसको अवसर पारेर शनिबार आफ्नै नवनिर्मित भवनमा कार्यालय सारिएको हो । यसअघि महासंघको कार्यालय भाडामा बस्दै आएको थियो ।

प्रदेश सरकारको सहयोग तथा विराटनगर महानगरपालिकाले उपलब्ध गराएको जग्गामा भवन निर्माण गरि कार्यालय सारिएको पत्रकार महासंघ प्रदेश समितिका अध्यक्ष बिक्रम लुईटेलले जानकारी दिए ।

चारतले भवन निर्माण गर्ने लक्ष्य राखेर निर्माण प्रारम्भ गरिएको भवन निर्माणाधिन अवस्थामै छ ।

महानगरपालिकाले उपलब्ध गराएको एककठ्ठा जग्गामा एककरोड लागतमा भवन सम्पन्न गर्ने योजना रहेको महासचिव विवेक गौतमले बताए । महासचिव गौतमका अनुसार अहिलेसम्ममा लगभग ७३ लाख रुपैयाँ खर्च भइसकेको छ ।

मुलुक संघीयतामा गएसँगै संघीय संरचना अनुसार प्रदेश समिति गठन गरेको महासंघका ७ भुगोल र ३ विषेश प्रदेश समितिमध्ये आफ्नै भवन बनाउने प्रदेश समिति १ नंं. पहिलो बनेको छ ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: