प्रदेश एकमा किरात राईको मातृभाषाबाट पढाइ हुने

  प्रकाशित मिति
७ असार २०७७, आईतवार १३:५०


मेचीनगर । किरात राई यायोक्खाले आगामी वर्षदेखि प्रदेश १ का विद्यालयहरूमा किरात राई भित्रका मातृभाषाहरूको शैक्षिक पठनपाठन गराउने भएको छ ।

किरात राईहरूको भाषा, कला र परम्परालाई संरक्षण र विकास गर्नका लागि यायोक्खाले विद्यालयमा मातृभाषाको पठनपाठन गराउन लागेको हो ।

किरात राई यायोक्खाका केन्द्रीय अध्यक्ष दिवस राईले किरात राई समुदायभित्र बोलिने विभिन्न मातृभाषाहरूको संरक्षण र विकासको लागि हरेक विद्यालय तहमा आगामी वर्षबाट मातृभाषा शिक्षाको थालनी गर्न तीव्ररूपमा पहलकदमी चाल्दै आएको बताए ।

‘आफ्नो मातृभाषाको विकास र संरक्षण, सम्वर्द्धन गर्नका लागि आगामी वर्षदेखि प्रदेश १ का विद्यालयहरूमा मातृभाषा शिक्षाको पठनपाठन सुरु हुनेछ,’ उनले भने, ‘यसका लागि प्रदेश १ का स्थानीय तहका जनप्रतिनिधिहरूसँग मातृभाषा शिक्षा सम्बन्धी अन्तर संवाद पनि गरिसकेका छौँ । सबै जनप्रतिनिधिहरू सकारात्मक हुनुहुन्छ ।’

उनका अनुसार मुल रुपमा सोलुखुम्बु जिल्लामा खालिङ, थुलुङ, नाछिरिङ, सोताङ र कुलुङ भाषाको शिक्षा सञ्चालन गरिने छ । ओखलढुंगामा बाहिङ, वाम्बुले र जेरुङ भाषाको शिक्षा दिइनेछ ।

त्यसैगरी खोटाङमा चाम्लिङ, कोयी, साम्पाङ, दुमी, तिलुङ, वाम्बुले र पुमा भाषा, भोजपुरमा बान्तावा, दुङ्माली, कुलुङ र बुङ्लावा भाषा र धनकुटामा आठ्पहरिया, बान्तावा, छिन्ताङ, छिलिङ, मुगाली, फाङ्दुवाली र बेलहारा भाषाको पठनपाठन गरिने छ ।

त्यस्तै संखुवासभामा याम्फु, लोहोरुङ, मेवाहाङ र कुलुङ भाषाबाट शिक्षा दिइने छ ।

उनले बाँकी अन्य प्रदेश १ का विभिन्न जिल्लाहरूमा बसोबासको हिसाबले जुन–जुन स्थानीय तहहरूमा जुन मातृभाषाहरूको संलग्नता र सम्भाव्यता छ त्यहाँ त्यही मातृभाषाहरूको पठनपाठन सुचारु गराउने तयारी गरिएको बताए । (थाहा खवरबाट)

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: