प्रहरीको पहलमा टोलटोलमै खाद्यान्न र तरकारी

  प्रकाशित मिति
१४ चैत्र २०७६, शुक्रबार १६:३१


यो फोटो अन्यत्रकै हो । सान्दर्भिक लागेर राखिएको हो । स्रोत ः इन्टरनेट

भद्रपुर । जिल्ला प्रहरी कार्यालय झापाले लकडाउनका बेला स्थानीय उद्योग वाणिज्य संघहरुको सहयोगमा जिल्लाभर टोलटोलमा खाद्यान्न र तरकारी पुर्याउने व्यवस्था मिलाएको छ ।

प्रहरीले सामान ढुवानी गर्न इच्छुक निजी व्यवसायी तथा संस्थाहरुलाई सम्पर्कमा आउन आह्वान समेत गरेको छ ।

कोभिड १९ को संक्रमण रोक्न सरकारले लकडाउन गरेपछि स्थानीय किराना तथा तरकारी पसलहरुमा भीड लागेको छ । भीडभाड रोक्न टोलटोलमै सामान पुर्याउनु उचित ठानेर पहल गरिएको प्रहरी उपरीक्षक कृष्णप्रसाद कोइरालाले बताए ।

कोइरालाका अनुसार आजदेखि सुरु गरिएको अभियानमा विर्तामोडस्थित कृषि थोक बजारबाट ६ वटा गाडीमा सब्जी लोड गरेर टोलतिर पठाइएका छन् । ती गाडीलाई सवारी पास दिएर टोलटोलमा पठाइएको हो ।

लकडाउनका बेला मेचीनगर-१४ दुहागढीमा फार्ममा उत्पादित तरकारी टोलटोल पुगेर गाउँलेलाई विक्री गरिदै । फोटो : लोकतन्त्र पोस्ट

उनले भने, ‘पालो मिलाएर होलसेल पसलहरुसँग समन्वय गरेर उद्योग बाणिज्य संघले पाससहितका गाडीलाई टोल टोलमा पठाउँछ । तोकिएको समयमा स्थानीयबासीले आवश्यक सामाग्री खरिद गर्नुपर्छ, बजार निस्कन पाइँदैन ।’

उनले झापाका सबै स्थानीय सरकार र उद्योग बाणिज्य संघले खाद्यान्नलगायत आवश्यक सामग्री बोकेर टोलटोलमा जाने सवारी साधन तोकेर सवारी अनुमतिका लागि पठाउन आग्रह गर्दै उनीहरुलाई जिल्ला प्रशासन कार्यालयबाट तुरुन्त अनुमतिको व्यवस्था गरिने बताए ।

यसअघि अर्जुनधाराको मामाभाञ्जा सिर्जनशील कृषि फार्मले फोनमा अर्डर लिएर घरघरै सागसब्जी पुर्याउने व्यवस्था मिलाइसकेको छ ।

प्रहरीले बजारका पसलहरुमा समेत सामाजिक दूरी कायम गर्दै निश्चित घेराभित्र बसेर सामान किन्न सर्वसाधारणलाई आग्रह गरेको छ ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: