बन्दाबन्दीले छेकेन चाउचाउ उत्पादनलाई

  प्रकाशित मिति
२१ बैशाख २०७७, आईतवार ०७:००


भद्रपुर, २१ वैशाख । तयारी चाउचाउ उत्पादन गर्ने झापाको एकमात्र कम्पनी मनसा थाई फुड प्रालिले बन्दाबन्दीको अवस्थामा समेत उद्योग सञ्चालन भइरहेको जनाएको छ ।

दुई बर्षअघि रु. ४० करोडको लगानीमा खोलिएको उद्योगमा सय बढी कर्मचारी रहेका छन् । स्थानीय क्षेत्रका बासिन्दालाई रोजगारी प्रदान गरेको हुँदा बन्दाबन्दीमा समेत उद्योग सञ्चालन गर्न समस्या नभएको सञ्चालक बुद्धि घिमिरेले बताए ।

उनले कच्चा पदार्थको अभावमा माग अनुसारको उत्पादन गर्न नसकेको बताए । “काम गर्ने समय आधा घटाएका छौं”, उनले भने, “दैनिक चार हजार ५०० कार्टुन मात्र उत्पादन गर्दैछौं ।” उद्योगमा यस अघि १६ घण्टा काम हुने र उत्पादन समेत दोब्बर हुँदै आएको थियो ।

मेचीनगर–१४ मा रहेको सो उद्योगका कामदारहरु मेचीनगर १३, १४ र भद्रपुर नगरपालिका–९ का बासिन्दा रहेका छन् । जसका कारण उनीहरु बन्दाबन्दीको समयमा समेत सजिलै उद्योगमा काम गर्न आइरहेका छन् । उनीहरुलाई उद्योगमा साबुन पानीले हात धुने व्यवस्थासहित सामाजिक दुरी कायम गरेर काम लगाउँदै आएको घिमिरेले बताए ।

उद्योगमा काम गर्ने कर्मचारीहरुले स्थापना कालदेखि नै हातमा ग्लोब्स, माक्स र गाउन लगाउँदै आएको उहाँको भनाई छ । यस उद्योगले मगमग, अकबरे, रेलीमाई, प्यारीलगायतको ब्राण्डका चाउचाउ उत्पादन गरी देशभरी विक्री वितरणका लागि पठाइरहेको सञ्चालक घिमिरेको भनाई छ ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: