बार्सिलोना इन्टर मिलानसंग पराजित

  प्रकाशित मिति
२० आश्विन २०७९, बिहीबार १२:०३


न्युज कारखाना
काठमाडौं, १९ असोज
च्याम्पियन्स लिगअन्तर्गत समूह सी को खेलमा बार्सिलोना इन्टर मिलानसँग १-० ले पराजित भएको छ।

पहिलो हाफको इन्जुरी समयको दोस्रो मिनेटमा हकान चाल्हनोलुको निर्णायक गोलमा इन्टरले जित निकाल्यो ।

खेलमा बार्सिलोनाले गरेको एक गोलले मान्यता पाएन । यस्तै,  इन्जुरी समयमा बार्सिलोनाले पेनाल्टीको अपिल गरे पनि भिएआरले त्यसलाई अस्विकृत गरेको थियो ।

६६औं मिनेटमा पेड्रीको गोलमा बार्सिलोना खेलमा फर्किएको थियो । तर, भिएआरमा अंशु फातीको ह्यान्ड भएको भन्दै सो गोललाई मान्यता दिइएन । 

इन्जुरी समयमा बार्सिलोनाले पेनाल्टीको अवसर पाएको थियो । इन्टरका डेन्जल डम्फायर्सले पेनाल्टी बक्समा ह्यान्ड गरेको भन्दै बार्सिलोनाले पेनाल्टीको अपिल गरेको थियो । तर, भिएआरले त्यसलाई पनि अस्विकृत गरेको थियो । 

समूह ‘सी’ मा इन्टर ६ अंकसहित दोस्रो स्थानमा छ । जुन शीर्ष स्थानको बायर्न म्युनिख भन्दा तीन अंक कम हो । बार्सिलोना भने तीन खेलमा तीन अंकसहित तेस्रो स्थानमा छ । भिक्टोरिया प्लिजेनले भने खाता खोल्न सकेको छैन । 

बार्यनले समूह सी मा अपराजित यात्रा कायम राख्ने क्रममा प्लिजेनमाथि ५-० को जित निकाल्यो ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: