बिनापैसै आँखाको शल्यक्रिया

  प्रकाशित मिति
१३ असार २०७५, बुधबार १२:०९


इटाभट्टा । मेची दिव्यज्योति आँखा अस्पतालले आँखाका रोगीका लागि निःशुल्क शल्यक्रिया सुरु गरेको छ ।

दिव्यज्योतिले मङ्गलवारदेखि सात दिनसम्म शिविर सञ्चालन गरेर आँखाका रोगीहरुको निःशुल्क शल्यक्रिया गरिदिने जनाएको हो ।

शिविरको उद्घाटनमा मेचीनगर–१४ की ८१ बर्षीया शान्ता गुरुङको आँखाको शल्याक्रिया गरिएको थियो ।

उनी लामो समयदेखि मोतियाविन्दूको रोगी थिइन् । आफ्नै आँगनमा खुलेको अस्पतालले निःशुल्क रुपमा आँखाको शल्यक्रिया गरिदिएपछि गुरुङले खुशी व्यक्त गरिन् ।

‘थुप्रै भएको थियो आँखा नदेखेको, डाक्टरले २ बर्षअघि नै मोती विन्दू भएको छ अपरेसन गर्नुपर्छ भन्नु भएको थियो तर मसँगै पैसा थिएन’, उनले अस्पताल परिवारलाई धन्यवाद दिँदै भनिन्–‘आज मेची दिव्यज्योति आँखा अस्पतालले निःशुल्क गरिदियो, ज्यादै खुशी लागेको छ ।’

आफन्त समेत नभएकी गुरुङका दुवै आँखामा मोतिया विन्दू भएको नेत्र चिकित्सक डा. शङ्कर खनालले बताए ।

उनी मात्र होइन मेचीनगर–१३ की भद्रीमाया मुखिया पनि उस्तै खुशी थिइन् । उनको पनि शान्ताको भन्दा फरक अवस्था थिएन । शान्तसँगै मुखियाको पनि मोतियाविन्दूको मङ्गलबारै अपरेसन भएको छ ।

अस्पतालले एकै दिन ५० जना भन्दा बढी आँखाको रोगीको समेत निःशुल्क चेकजाँच गरेको छ । अस्पतालमा विहानैदेखि आँखाको रोगीको भीड लागेको थियो ।

अस्पतालले पैसा नभएर उपचार गराउन नसक्ने आमा बुबाहरुलाई विशेष लक्षित गरेर कार्यक्रमको आयोजना गरेको अस्पतालकी सञ्चालक सदस्य गीता खड्काले बताइन् ।

उनले ग्रामीण क्षेत्रमा रहेर टाढाको अस्पतालमा पहुँच पुग्न नसकेका बासिन्दालाई मध्यनजर गरेर इटाभट्टामा पहिलोपटक आँखा अस्पताल खोलेको बताइन् ।

(लोकतन्त्र पोस्ट दैनिकमा प्रकाशित)

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: