बिर्तामोडको बजेट ७३ करोड ४६ लाख बढी

  प्रकाशित मिति
७ माघ २०७४, आईतवार १८:५३


बिर्तामोड । बिर्तामोड नगरपालिकाले बिषादीमुक्त सहर बनाउनेदेखि गर्भवती आमा तथा नवजात शिशुको स्वास्थ्य सुधारका लागि महिलालाई निःशुल्क क्याल्सियम चक्की वितरण गर्ने योजना ल्याएका छन् ।

प्रथम नगर परिषद भेलामा मेयर ध्रुवकुमार शिवाकोटीले आगामी आवका लागि ७३ करोड ४६ लाख ३० हजार ४ सय ६१ रुपैयाँको बजेट प्रस्तुत गरे । प्रस्तुत नीति तथा कार्यक्रम अनुसार केही महत्वकांक्षी तथा दीर्घकालीन योजना तय गरिएको छ ।

जस अन्तर्गत अब बिर्तामोड क्षेत्रमा नक्सा पास गरी घर निर्माण गर्दा घर परिसरमा २ वटा बिरुवा अनिवार्य रोप्नु पर्नेछ । नयाँ कार्यक्रमको रुपमा नगर प्रमुखले बिषादीमुक्त अभियान पनि ल्याएका छन् । शिवाकोटीले नगरलाई बिषादीमुक्त बनाउने अभियान यस कार्यक्रमभित्र समेटिएको उल्लेख गरेका छन् ।
यसका लागि मासु, डेरी, भेटनरी औषधि पसलको अनुगमन तथा पशु आहार अन्तर्गत डाले घाँसको रोपणलाई प्राथमिकता दिने नीति रहेको बताए । उनका अनुसार वनस्पति बिषादी उत्पादनदेखि किसानलाई ड्रम, ग्रीन टनेल, निमको बिरुवा वितरण गरिनेछ ।

त्यसैगरी, गड्यौला मल उत्पादन तालिम, हरियो मल बीउ वितरण पनि गरिनेछ । नीति तथा कार्यक्रम अनुसार मुक्ति चोक वरिपरिको भागलाई हरियाली पार्कको रुपमा विकास गरिनेछ भने वडा नं १, २, ३, ४ र ५ लाई सहरी क्षेत्रको रुपमा र २ नं को दक्षिणी भागलाई औद्योगिक र ६ नं को बुट्टाबारीमा अटोल्यान्ड बनाउने सम्मका योजना समेटिएका छन् ।

अदुवा खोला लगायतको विपद् व्यवस्थापनका लागि ६८ लाख रुपैयाँ रकम विनियोजन गरिएको बजेट विवरणमा उल्लेख छ ।
साथै, फोहोर व्यवस्थापनका लागि ल्यान्डफिल्ड साइडको व्यवस्थादेखि नगर क्षेत्रमा रहेका सामुदायिक बन, पार्क र पोखरीलाई पर्यटकीय स्थलको रुपमा विकास गर्ने कार्यक्रममा छ ।

नगरको आव ०७४÷०७५ को प्रस्तावित बजेट, नीति तथा कार्यक्रममा उपमेयर पवित्रा महतारा प्रसाईले बजेट तथा कार्यक्रम प्रस्तुत गरेकी थिइन् ।
जसमा आन्तरिक तथा बाह्रय आम्दानीको विवरण समेटिएको बिर्तामोड नगरका प्रवक्ता तथा वडा नं १ का वडाध्यक्ष अग्नीप्रसाद पाण्डेले जानकारी दिए ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: