बेशीबजारमा चर्चित कलाकारहरु आउँदै

  प्रकाशित मिति
३ श्रावण २०७५, बिहीबार १८:२९


बाहुनडाँगी । मेचीनगर नगरपालिका र रोङ गाउँपालिकाको साँधमा अवस्थित बेशीबजारमा साउन ९ गते ग्रामीण पर्यटनको प्रबर्धन गर्ने उद्देश्यले सांस्कृतिक कार्यक्रम गरिने भएको छ ।

पहाड र तराइको सङ्गमस्थल बेशीबजारमा हुने सो कार्यक्रममा चर्चित कलाकारहरु मिलन अमात्य, राजनराज शिवाकोटी लगायतको प्रस्तुति रहने कार्यक्रमको संयोजन गरिरहेको ग्रीन जेनेरेसनका अध्यक्ष अजुृन कार्कीले जानकारी दिएका छन् ।

गायिका अमात्यले १३ वटा भाषामा आफ्नो सुमधुर आवाज प्रस्तुत गरिसकेकी छन् भने शिवाकोटीले कुटुमा कुटु, पूर्व पश्चिम रेल र सुर्के थैली खोई जस्ता गीतमा स्वर दिइसकेका छन् ।

ग्रीन भिलेज सामुदायिक होमस्टे इलाम–झापाको आयोजनामा कार्यक्रम हुन लागेको हो ।

‘स्वदेशी उत्पादनको प्रयोग गरौँ, ग्रामीण पर्यटनको प्रबर्धनमा ऐक्यबद्धता जनाऔँ’ भन्ने नाराका साथ हुने एक दिवशीय सांस्कृतिक कार्यक्रमबाट झापा र इलामको ग्रामीण क्षेत्रमा रहेका होमस्टेहरुको प्रचार हुने अपेक्षा गरिएको ग्रीन जेनेरेसनका अध्यक्ष कार्की बताउँछन् ।

कार्कीका अनुसार आगामी पुस २१ देखि २५ गतेसम्म इलामको सलकपुरमा पाँचौ एसियन ग्रामीण पर्यटन महोत्सव आयोजना गर्ने निर्णय भएको छ ।

बेशीबजारमा हालै नेपाल र भारतका पर्यटनसम्बद्ध संघ संस्थाका प्रतिनिधिहरुको समेत सहभागिता रहेको बैठकले उक्त निर्णय गरेको हो ।

बैठकमा भारतका प्रख्यात पर्यटनविद् राज बसु र बेलायतमा रहेका सामाजिक अभियन्ता पूर्ण लक्समको विशेष उपस्थिति रहेको थियो ।
……………….

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: