बोर्डर वारिपारि गरिरहने इन्डियन एम्बेसीका पूर्व कर्मचारी ड्रग्ससहित समातिए

  प्रकाशित मिति
२० भाद्र २०७७, शनिबार १४:१०


फोटो साभार : हाम्रो मत अनलाइन

विराटनगर, २० भदौ । भारतीय दूतावासका पूर्व कर्मचारी लागू औषधसहित पक्राउ परेका छन् ।

जनकपुर घर भई धरानमा डेरा बस्ने ३३ वर्षका दन्त चिकित्सक डा. सन्दिपकुमार साह पक्राउ परेका हुन् ।

गत बुधवार विराटनगरको एकीकृत भन्सार जाँच चौकीबाट को९प ८५३७ नम्बरको मोटरसाइकलमा नेपाल आउँदै गर्दा सशस्त्र प्रहरीले उनलाई रोकेर चेकजाँच गर्दा लागू औषध फेला पारेको हो ।

बाइकको लेगार्ड उनले प्लास्टिकको झोलामा लागुऔषध बेरेर ल्याउँदै थिए । प्रहरीले स्पास्मोप्रोक्सिभन २० ट्याब्लेट, डाइलेक्स डीसी ९ बोतल र नाइट्राजेपाम २० ट्याब्लेट बरामद गरेको हो ।

साहबाट प्रहरीले भारतीय दूतावासको परिचयपत्र र धरानस्थित ‘पेन्सन पेइङ अफिस’को कर्मचारी पत्र समेत फेला पारेको छ ।

कोरोनाका कारण बोर्डरमा आउजाउ गर्न नदिइएको अवस्थामा समेत साह भारतीय राजदूताबासको त्यही परिचयपत्र देखाएर जोगमनी ओहोरदोहोर गर्दै आएका थिए ।

लागुऔषध ऐन अन्तर्गतको मुद्दा चलाउन अदालतबाट म्याद थप गरेर उनको अनुसन्धान भइरहेको छ ।

अभियुक्त साहले बिरामी आफन्तका लागि औषधिका रुपमा प्रयोग गर्न लागुऔषध ल्याएको जिकीर गरेका छन् ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: