भारतबाट फर्किएका ३३ लाई कब्जामा लिई क्वारेन्टाइनमा

  प्रकाशित मिति
४ जेष्ठ २०७७, आईतवार १५:०४


भद्रपुर, ४ जेठ । भारतको मुम्बईबाट फर्किएका ३३ जना नेपालीलाई झापाको कचनकवल गाउँपालिकाको क्वारेन्टाइनमा राखिएको छ । तीन दिन अघि पाँचदेखि १० जनासम्मको समूह बनाई उनीहरु केचना, पाठामारी र घेराबारीबाट राति नेपाल प्रवेश गरेका थिए ।

उनीहरु सबै कचनकवल गाउँपालिकाकै रहेको पालिकाका अध्यक्ष अञ्जार आलामले बताए । केचनकवल –२ स्थित पथरिया माध्यमिक विद्यालयमा तयार गरिएको क्वारेन्टाइनमा उनीहरुलाई राखिएको छ । रोजगारीका सिलसिलमा उनीहरु मुम्बई पुगेको अध्यक्ष आलमको भनाई छ ।

‘ट्रेनबाट ल्याएर नेपालीहरुलाई भारतीय एसएसवीले सीमाबाट सजिलै छाडिदिँदोरेहछ’, उनले भने, ‘सीमामा खटिएका सुरक्षाकर्मी र स्थानीयवासीको सहयोगमा उनीहरुलाई तत्काल कब्जामा लिएर क्वारेन्टाइनमा राखेका छौं । आफ्ना नागरिकको सुरक्षा गर्ने दायित्व हाम्रै हो ।’

क्वारेन्टाइनमा राखिएका सबैको स्बाब सङ्कलन गरी परीक्षणका लागि विराटनगरस्थित कोशी अञ्चल अस्पतालमा पठाइएको स्वास्थ्य कार्यालय झापाका फोकल पर्सन जीवन चौलागाईले बताए ।

अध्यक्ष आलामले भारतको दिल्ली, मुम्बई, केरेलालगायतका स्थानमा १० हजार बढी युवाहरु कचनकवल गाउँपालिकाबाट मात्र रोजगारीका लागि गएको जानकारी दिए । उनले सीमा क्षेत्रबाट नेपाल प्रवेश गर्ने नेपालीलाई परिवारसँग घुलमिल नभई पालिकाले तयार गरेको क्वारेन्टाइनमा आएर बसिदिन समेत आग्रह गरेका छन् । पालिकाले १५० जना अटाउने सक्ने क्षमताको दुईवटा स्थानमा क्वारेन्टाइन तयार गरेको छ ।

भारतीय सीमावर्ती क्षेत्र पानीटेङ्की, नक्सलबाडीलगायतका क्षेत्रमा अलपत्र परेका नौ सय नेपालीलाई सोमबारसम्ममा नेपाल फर्काउने तयारी गरिरहेको प्रमुख जिल्ला अधिकारी उदयबहादुर राना मगरले बताए ।

उनीहरुलाई स्थानीय तहले नाकामा तयार गरिएको होल्डिङ सेन्टरमा राखेर आरडिटी परीक्षण पछि आ–आफ्ना जिल्ला तथा प्रदेशमा पठाइने व्यवस्था गरिएको उनको भनाई छ ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: