सहयोग माग्दै धुमुर्स झापामा

  प्रकाशित मिति
१६ जेष्ठ २०७३, आईतवार १२:०३


6c217fe43011ead95fd1043216c8787e

दमक । भूकम्प पीडितहरुको एकीकृत नमूना बस्ती निर्माण परियोजनाका लागि हाँस्य कलाकार सिताराम कट्टेल (धुर्मुस)ले पूर्वाञ्चलबासी समक्ष सहयोगको अपिल गरेका छन् ।

सिन्धुपाल्चोकको मेलम्ची नगरपालिका–८ को गिरानचौरमा ६५ वटा घर निर्माणका लागि आवश्यक चार करोड बढी रकम जुटाउन पूर्वाञ्चलबासीबाट आफूले ठूलो आशा गरेको भन्दै उनले सहयोगको अपिल गरेका हुन् ।

दमकमा आइतबार बिहान गरिएको पत्रकार भेटघाट कार्यव्रmममा उनले यस्तो अपिल गरेका हुन् । गिरानचौरमा एकीकृत नमूना बस्ती निर्माणका लागि आर्थिक सहयोग जुटाउने पहल स्वरुप धुर्मुस अहिले पूर्वका विभिन्न जिल्लाका उद्योगी व्यवसायी, समाजसेवी लगायतसँग आग्रह गरिरहेका छन् ।

गिरानचौरमा ६५ वटा घरको एकीकृत नमूना बस्ती निर्माणका लागि ४ करोड ७२ लाख रुपैयाँको स्टीमेट गरिएको उनले बताए । उनले बर्खा लागिसकेकोले तत्कालै २ करोड आर्थिक सहयोग सङ्कलन नभए पुनर्निर्माणको कार्य रोकिन सक्ने भएकोले यथासक्यो चाँडो सहयोग गर्न पूर्वाञ्चलबासीलाई आग्रह गरे ।

भूकम्प गएको एक बर्षसम्म पुनर्निर्माणको कार्य हुन नसक्दा पीडितहरुको अवस्था दयनीय रहेकोले नागरिकबाट आफैले पुनर्निर्माणको कार्य सुरु गरेको उनले बताए ।

गिरानचौरमा भूकम्प गएकै दिनलाई साइत पारेर गत बैशाख १२ गते ११ बजेर ५६ मिनेटमा शिलान्यास गरिएको तथा दोस्रो भूकम्प गएको बैशाख २९ गतेलाई साइत पारेर पुनर्निर्माणको काम सुरु गरिएको उनले बताए । आवश्यक सहयोग चाँडै जुटे यस बर्षको बडादशैँको घटस्थापनाको दिन एकीकृत नमूना बस्ती पीडितलाई हस्तान्तरण गर्ने लक्ष्य रहेको धुर्मुसले बताए ।

गिरानचौरमा बस्ती निर्माणका लागि धुर्मुस–सुन्तली फाउण्डेशनले पुनर्निर्माण प्राधिकरण र स्थानीय विकास मन्त्रालयसँग सहकार्य गरिरहेको छ । सो बस्ती बालमैत्री, अपाङमैत्री, पूर्ण सरसफाईयुक्त, भवन निर्माण आचारसंहित अन्तर्गत रहने उनले बताए ।

धुर्मुसले एक सातायता पूर्वका बिराटनगर, इटहरी, बिर्तामोड, दमक, सुरुङ्गा लगायतका स्थानमा गरिएको आग्रह अनुसार सहयोग जुट्ने क्रम सुरु भएको समेत बताए । यस अन्तर्गत झापाका कृष्णप्रसाद, बिष्णुप्रसाद र अर्जुनप्रसाद दाहाल परिवारले १ लाख ४० हजार, सुनसरीको इनरुवा नगरपालिकाले १ लाख ११ हजार १११, उद्योग वाणिज्य सङ्घ सुनसरीले २५ हजार लगायत सहयोग जुट्ने व्रmम सुरु भएको उनले बताए ।

उनले काठमाडौँबाट पूर्व आउनेबेलासम्म एक साता अघि धुर्मुस–सुन्तली फाण्डेशनमा ७७ लाख रुपैयाँ जम्मा भएको बताए । जसमा सबै भन्दा धेरै अमेरिकामा बस्दै आएका डिण्डु लामाले ६ लाख र जापानमा बस्दै आएका कृष्णप्रसाद खत्रीले ५ लाख रुपैयाँ सहयोग गरेका छन् ।
यसैबीच भूकम्प पीडितको पुनर्निर्माण कार्यमा सहयोग जुटाउन झापाको दमकमा सञ्चारकर्मीहरुको अगुवाईमा सहयोग समिति गठन भएको छ ।

पत्रकार नगेन्द्रमणी न्यौपानेको संयोजकत्वमा ११ सदस्यीय ‘गिरानचौर एकीकृत नमुना बस्ती निर्माण परियोजनाका लागि सञ्चार अभियान’ समिति गठन भएको हो ।

समितिको सदस्यहरुमा बिष्णु पौडेल, बिमल लामिछाने, टिकाराम उप्रेती, अर्जुन राजवंशी, चिरञ्जिबी घिमिरे, बिष्णु सुब्बा, गोपाल झापाली, गोपाल गड्तौला, लक्ष्मी नेपाल, गीता ढुङ्गाना, दिनेश दङ्गाल र काजी राउत रहेका छन् । समितिले आइतबारै आफ्ना सदस्यहरुबाट नगद सहयोग संकलन गर्दै झापाबासीबाट सहयोगको आह्वान गरेको छ ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: