‘मुरारी सर’ को दुर्घटनामा निधन

  प्रकाशित मिति
१० फाल्गुन २०७६, शनिबार २०:४७


धुलाबारी । शिक्षासेवी मुरारीप्रसाद पोखरेलको सवारी दुर्घटनामा परी निधन भएको छ ।

मेचीनगर–१०, लालपानी निवासी पोखरेलको उपचारकै क्रममा भारतमा शुक्रवार राती निधन भएको हो ।

७० वर्षीय पोखेरल माघ २३ गते दक्षिण भारतको धार्मिक क्षेत्र तिरुपती, बालाजीलगायतको मन्दिर दर्शन गर्न गएका थिए ।

एक महिने तीर्थयात्रामा निस्किएका पोखरेल चढेको बस गत बुधबार राती तामिलनाडुको एलेन भन्ने ठाउँमा दुर्घटनामा परेको थियो । उक्त सवारी दुर्घटनामा नौ जना नेपालीले ज्यान गुमाइसकेका छन् ।

दुर्घटनामा गम्भीर घाइते भएका पोखरेलको उपचारकै क्रममा निधन भएको हो । उनीसँगै गएकी श्रीमती झलकादेवी पोखरेल भने सकुशल रहेको परिवारले जनाएको छ ।

दुर्घटनाको खबर थाहा पाउनासाथ मृतकका छोरा केशव भारत गएका छन् । आवश्यक प्रक्रिया पूरा गरेर सम्भवत आइतबार (आज) मृतकको शव घर ल्याई पुर्याइने बताइएको छ ।

मृतक मुरारीप्रसाद पोखरेल लामो समय शिक्षा क्षेत्रमा सक्रिय थिए । धुलाबारीमा माविमा उनले ४० वर्ष सेवा गरेका थिए । उनी लेखापाल हुँदै प्रावि शिक्षककोे रुपमा १० वर्षअघि निवृत्त भएका थिए ।

मृतक पोखरेलकी श्रीमती झलकादेवी, छोरा केशव र बुहारी रेणुका तथा कमल र बुहारी गीता छन् ।

त्यस्तै, छोरी शोभा भट्टराई र शोभना दाहाल रहेका छन् । छोरा केशव धुलाबारी जेसीजका पूर्व अध्यक्ष हुन् । उनी पनि शिक्षा क्षेत्रमा सक्रिय छन् ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: