मेचीनगरमा लकडाउन खुकुलो पार्ने निर्णय

  प्रकाशित मिति
३ भाद्र २०७७, बुधबार १७:५४


लकडाउनका बेला टायरबाट खिचिएको धुलाबारी क्षेत्रको दृश्य ।

मेचीनगर । मेचीनगरपालिकाले लकडाउनलाई केहि खुकुलो पारेको छ ।

गत साउन २८ गतेदेखि सात दिनलाई लगाएको लकडाउनलाई केहि मात्रमा खुकुलो पारेको हो ।

मेचीनगरपालिकाले बुधबार कोभिडको संक्रमण समुदायमा फैलिन थालेपछि संक्रमण रोग ऐन २०२० को दफा २ अनुसार अर्को सूचना जारी नहुन्जेल सम्मका लागि वडा नम्बर ६, ७ र ८ मा लकडाउनलाई निरन्तरता दिने निर्णय गरिएको छ ।

मेचीनगरको १५ वटा वडामध्ये ६, ७ र ८ नम्बर वडामा लकडाउनलाई निरन्तरता दिएको छ भने अन्य वडाहरुको हकमा भोलिदेखि खुकुलो पारेको हो ।
तर, मेचीनगर भित्रका शैक्षिक संस्था, होटल, सपिङ् मल, सेलुन र व्युटिपालर भने पूर्णरुपमा बन्द रहनेछ ।

पीसीआर परीक्षणको दायरा फराकिलो बनाउने लगायतका निर्णय समेत गरिएको छ ।

वैठकले वडा नम्बर ६, ७ र ८ मा भोलिदेखि दूध डेरी, सागसब्जी र खाद्यान्नका पसलहरु बिहान ८ देखि १० बजे सम्ममात्र खोल्न पाउने गरि निर्णय गरेको छ ।
औषधि पसल लगायत स्वास्थ्य सेवा नियमित सञ्चालन हुनेछन् ।

अत्यावश्यक र मालबाहक बाहेकका सवारी साधान चलाउन नपाईने, अत्यावश्यक कामबाहेक घरबाट बाहिर निस्कन नपाईने, सामाजिक दुरी कायम गरेर कृषि कार्य गर्न पाइनेछ ।

विशेष कार्यका लागि पालिकासँग पास लिएर सवारी साधन चलाउन पाइनेछ भने वित्तिय संघ संस्थाहरु सरकारले तोकेको मापदण्ड अनुसार सञ्चालन गर्न पाइने नगरपालिकाले निर्णय गरेको छ ।

।। अर्जुन कार्की ।।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: