मेचीनगर साकोसले वार्षिकोत्सव मनाउने

  प्रकाशित मिति
२३ माघ २०७६, बिहीबार १९:४५


धुलाबारी । धुलाबारीमा केन्द्रीय कार्यालय रहेको मेचीनगर बचत तथा ऋण सहकारी संस्था लिमिटेडले आफ्नो १२ औं वार्षिकोत्सव विविध कार्यक्रम गरेर मनाउने भएको छ ।

सामाजिक उत्तरदायित्व अन्तर्गत संस्थाले बर्षेनी रचनात्मक कार्यक्रमहरु सञ्चालन गर्दै आएको छ ।

आफ्ना शेयर सदस्यलाई लक्षित गरी स्वास्थ्य शिविर, पुरस्कार वितरण तथा सम्मानलगायतका कार्यक्रम गरी संस्थाले सामाजिक दायित्व पूरा गर्दै आएको छ ।

गतवर्ष जस्तै यसवर्ष पनि संस्थाले बार्षिकोत्सवको अवसरमा चारदिने कार्यक्रम तय गरेको छ ।

माघ २५ गतेदेखि २८ गतेसम्म विविधि कार्यक्रम गर्ने निर्णय भएको सहकारीका व्यवस्थापक मानस सिटौलाले जानकारी दिए ।

उनका अनुसार माघ २५ गते बाल बचत गर्ने बालबालिकाहरुलाई कापीकलम वितरण कार्यक्रम राखिएको छ ।

संस्थाको सभाहलमा राखिएको उक्त कार्यक्रममा अभिभावकको उपस्थितिमा बालबालिकालाई शैक्षिक सामाग्री वितरण गर्न लागिएको हो । संस्थामा बाल बचत खाता २५० जनाले खोलेका उनले बताए ।

यस्तै, संस्थाले मेची आम्दा अस्पतालको सहजीकरणमा सदस्यको रगत परीक्षण शिविर राखेको छ ।

माघ २६ गते हुने उक्त शिविरमा प्रेसर, सुगर थाइराइड, कोलेस्ट्रोल, युरिया क्रियाटिनिन्को जाँच गरिनेछ ।

त्यसैगरी, माघ २७ गते मेचीनगर नगरपालिका क्षेत्रका ११ र १२ कक्षा सञ्चालनरत् सामुदायिक तथा संस्थागत विद्यालयस्तरीय वक्तृत्वकला प्रतियोगिता आयोजना गरिने व्यवस्थापक सिटौलाले बताए ।

माघ २८ गते साकोसको १२ औं बार्षिक उत्सव तथा मेची आम्दा अस्पतालका डाक्टरहरुद्वारा स्वास्थ्य सम्बन्धी जनचेतनामुलक तथा रगत परीक्षणको रिपोर्ट वितरण कार्यक्रम रहेको छ ।

संस्थाको सभाहलमा विशेष कार्यक्रमकाबीच जेष्ठ नागरिक सम्मान तथा प्रतिष्ठित सामाजिक व्यक्तित्व सम्मान भनेर एकजनालाई पुरस्कृत पनि गरिने भएको मेचीनगर साकोसले जनाएको छ ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: