मेची चेम्बरको अध्यक्षमा बोहोरा

  प्रकाशित मिति
१८ असार २०७७, बिहीबार १९:४९


मेचीनगर । मेचीनगरमा मेची चेम्बर अफ कमर्स गठन भएको छ ।

विहीबार धुलाबारीमा आयोजित एक कार्यक्रमकावीच मेची चेम्बर अफ कमर्सको तदर्थ समिति गठन भएको हो ।

धुलाबारीका व्यवसायी ललितकुमार बोहोराको संयोजकत्वमा १३ सदस्यीय नयाँ तदर्थ समिति गठन भएको छ ।

समितिको वरिष्ठ उपाध्यक्षमा पवनकुमार उप्रेती, उपाध्यक्षमा असोक विष्ट, उपाध्यक्षमा कृष्ण भण्डारी, महासचिवमा रुद्र खनाल, सहसचिवमा जीवन सापकोटा सर्वसम्मत चयन भएका छन् ।

त्यस्तै सदस्यहरुमा जेसिका उप्रेती, बलभद्र खड्का काजी, धर्मिला भण्डारी (उर्मिला), मोहन श्रेष्ठ, राजेश वंशल, हेमन्त पौडेल र चन्द्र र्घोसाई चयन भएका छन् ।

व्यवसायी पुनित वंशल, विकास उप्रेती (स्वामी), रविन वस्नेत र सन्तोष अग्रवालको कार्यदलको प्रस्तावमा भेलाले उनीहरुको नाम सर्वसम्मत चयन गरिएको थियो ।

चेम्बर अफ कमर्स प्रदेश नम्बर १ का अध्यक्ष राजेन्द्र घिमिरेको प्रमुख आतिथ्यतामा सम्पन्न कार्यक्रममा चेम्बर अफ कमर्स झापाका संस्थापक अध्यक्ष सन्तोष अग्रवाल, वरिष्ठ उपाध्यक्ष सुभास भट्टराई, महासचिव प्रदिप खरेल, सचिव विरोध सुवेदी लगायतको सहभागिता रहेको थियो ।

प्रमुख अतिथि घिमिरेले व्यवसायीहरुको संघ संगठनमा बसेर राजनीति गर्ने होइन व्यवसायीहरुको सुरक्षा र हितमा काम गर्नु पर्ने दावी गरे ।

नयाँ तदर्थ समितिका अध्यक्ष बोहोराले आफ्नो प्रतिबद्वता सहितको मन्तब्य व्यक्त गरेका थिए ।

चेम्बर अफ कमर्स झापाका अध्यक्ष ओमकृष्ण विमलीको सभापतित्व एवम् उपाध्यक्ष याम विमलीको सञ्चालनमा कार्यक्रम सम्पन्न भएको थियो ।

मेचीनगरमा व्यवसायीहरुको दुई वटा संगठन भएको छ । यस अघिदेखि मेची उद्योग वाणिज्य संघ मात्र मेचीनगरमा व्यवसायीहरुको छाता संगठन रुपमा काम गरिरहेको थियो ।

नयाँ गठन भएको मेची चेम्बर अफ कमर्सका अध्यक्ष बोहोराले बुधबार मात्रै मेची उद्योग वाणिज्य संघको कार्यसमिति सदस्य पदबाट राजीनामा दिएका थिए ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: