रुख काट्न निर्देशन दिने धरानका मेयरलाई कारवाहीको माग

  प्रकाशित मिति
१६ भाद्र २०७७, मंगलवार १३:३९


मेचीनगर, १६ भदौ । सामुदायिक बनको सखुवाको रुख काट्न निर्देशन दिएको आरोप लागेका धरान उपमहानगरपालिकाका मेयर तिलक राईलाई धरान–२० स्थित भालढुंगा सामुदायिक वन उपभोक्ता समुहले कारवाहीको माग गरेको छ ।

भालढुंगा सामुदायिक वनद्वारा संरक्षित वन क्षेत्रमा विना सूचना ढुंगे पानी भन्ने ठाँउमा अन्दाजी २ सय ५० किवी आउने सालको रूख काट्न मेयरले निर्देशन दिएको आरोप लगाउँदै उपभोक्ता समुहले कारवाहीको माग गरेको हो ।

काँचो सखुवाको रूख काटेको व्यक्ति उपर कारवाहीको मागसहित उपभोक्ता समुहले इलाका वन सब डिभिजन कार्यालयमा निवेदन दिएको छ ।

इलाका बन डिभिजन कार्यलय धरानमा बुझाएको माग पत्रमा मेयर राईको निर्देशन र प्रत्यक्ष उपस्थितीमा दुईवटा विधुतिय आरा प्रयोग गरी व्यक्तिगत प्रयोजनका लागि वा कुनै नियतले निकासी गर्ने तयारी गरीरहेको अवस्थामा वनको उपभोक्ताहरूले फेला पारेको उल्लेख छ ।

वनका अध्यक्ष बुद्धिमान तामाङद्वारा हस्ताक्षरीत पत्रमा मेयर राईसहित कटानमा संलग्न अन्यलाइ पनि कारवाही गर्न माग गरेको छ । इलाका सब डिभिजन वन कार्यालय विष्णुपादुकाका प्रमुख राजेन्द्रप्रसाद यादव, रेञ्जर इश्वरी बाँस्तोला, सशस्त्र वन रक्षक सहितको टोलीले स्थलगत अध्ययन समेत गरेको छ ।

(प्रदेश पोर्टल)

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: