लिङ्गे पिङ्गको जर्गेना गर्दै मेचीनगर

  प्रकाशित मिति
१५ आश्विन २०७९, शनिबार १९:३१


स्थापनाको दोस्रो वर्ष मनाउने क्रममा होटल मेची क्राउनको परिसरमा राति पत्रकार विनिषा शर्मा लिङ्गे पिङ्गको मजा लिदैँ ।

 

 

 

बाहुनडाँगी, १५ असोज । समाजमा लोप हुँदै गएको लिङ्गे पिङ्गको सम्बन्ध वडा दशैँसँग जोडिएको छ ।

ऐतिहासिक, साँस्कृतिक र धार्मिक सम्बन्ध बोकेको लिङ्गे पिङ्गको प्रयोग विशेष गरेर दशैँमा गरिन्छ ।

लोप हुँदै गएको लिङ्गे पिङ्गको रौनक दशैँमा देखिने गरेको छ । हराउँदै गएको यो परम्परालाई मेचीनगरमा समाजले जोड्न थालेको छ ।

मेचीनगर–४ का वडाध्यक्ष अर्जुनकुमार कार्कीले हराउँदै गएको यो परम्परालाई यहाँका नागरिकले फेरि पुर्नताजगी गर्ने प्रयास गरेको बताए ।

प्रायः दशैँको घटस्थापनादेखि आफ्नो गाउँघर र शहरमा यस्ता लिङ्गे पिङ्ग बनाएर छुट्टै आनन्द र रौनक दिने गरेको छ ।

वर्षमा एकचोटी भुई छोड्नु भन्ने बुढापाकाको परम्परालाई आत्मसाथ गर्दै यसलाई अब वडा नम्बर ४ मा कायम राख्ने उद्देश्य रहेको वडाध्यक्ष कार्कीले बताए ।

‘वडामा २३ वटा टोल विकास समिति छ’ वडाध्यक्ष कार्कीले भने–‘आइतबार अर्थात फुलपातीदेखि प्रत्यक टोलमा एउटा लिङ्गे पिङ्ग बनाएर यो परम्परालाई जर्गेना गर्ने उद्देश्य छ ।’

फुलपातीदेखि दशैँभरि टोलटोलमा लिङ्गे पिङ्ग राखेर नागरिकलाई मनोरन्जन प्रदान गरिने उनले बताए । दशैँसँगै ऐतिहासिक, साँस्कृतिक र धार्मिक सम्बन्ध बोकेको लिङ्गे पिङ्गलाई वडाले निरन्तरता दिने उनको भनाई छ ।

त्यसो त लोप हुँदै गएको लिङ्गे पिङ्ग झापामा विभिन्न स्थानमा दशैँका बेला नागरिकले फट्टफुट्ट मनोरन्जन लिइरहेको देख्न सकिन्छ ।

मेचीनगरमा एक वर्षअघि मात्र सुरु भएको होटल मेची क्राउनले आफ्नो कम्पाउन्ड भित्र दशैँका बेला लिङ्गे पिङ्ग ठडाएर आन्तरिक तथा विदेशी पाहुनालाई मनोरन्जन दिइरहेका छन् ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: