विराटनगरमा कोरोनाबाट अर्का पुरुषको पनि मृत्यु

  प्रकाशित मिति
१० भाद्र २०७७, बुधबार १४:१५


मेचीनगर, १० भदौ । कोरोेना भाइरस संक्रमणका कारण महोत्तरी घर भएका ६० वर्षीय पुरुषको न्युरो अस्पताल विराटनगरमा उपचारका क्रममा मृत्यु भएको ।

उनको उपचारका क्रममा मङ्गलबार राति ११ बजे मृत्यु भएको अस्पतालले जनाएको छ ।

साउन ३१ गते न्युरो अस्पतालमा भर्ना गरिएका उनको टाउकोको नसा सुकेर प्यारालाईसिस भएको थियो । उपचारको क्रममा उनलाई कोरोना पोजेटिभ देखिएको थियो ।

लक्षण देखिएपछि भदौ ३ गते स्वाब संकलन गरेर पीसीआर परीक्षण गराउँदा भदौ ७ गते पोजेटिभ रिपोर्ट आएको अस्पतालले जनाएको छ ।

अस्पतालको कोभिड–१९ मेनेजमेन्ट एण्ड रेस्पोन्स कमिटीका संयोजक एवम् अस्पतालका डाइरेक्टर रन्जितराज बस्नेतका अनुसार मृतक पुरुषमा कोरोना देखिएपछि अस्पतालले तयार गरेको आइसोलेसनमा उपचार भैरहेको थियो ।

भेण्टिलेटरमा राखेर उपचारको क्रममा उनको मृत्यु भएको बस्नेतले बताए ।

मङ्गलबार राती नै बिराट मेडिकल कलेजमा कोरोनाका कारण एक जना महिलाको मृत्यु भएको थियो ।

विराटनगर–११ निवासी ४४ वर्षीया महिलाको उपचारको क्रममा मृत्यु भएको थियो ।

योसंगै विराटनगरमा मात्रै कोरोना संक्रमणका कारण मृत्यु हुनेको संख्या १२ पुगेको छ ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: