विहारका पूर्वमन्त्रीलाई काँकरभिट्टामा स्वागत

  प्रकाशित मिति
८ आश्विन २०७९, शनिबार १५:२३


मेचीनगर, ८ असोज । विहारका पूर्वमन्त्री विनोद नारायण झा झापा आएका छन् ।
शनिबार काँकरभिट्टा स्थित मेची भन्सार कार्यालय परिसरमा आएका झाले यो दुईदिने भ्रमण विशुद्व व्यक्तिगत भेटघाट मात्र भएको बताए ।

झापाको शनिश्चरेमा आफन्तसँग पारिवारिक भेटघाटका लागि नेपाल आएको उनको भनाई छ ।

उनका अनुसार यो नितान्त राजनीतिक भ्रमण नभई पारिवारिक मात्र हो । उनी भोलि विराटनगरको बाटो हुँदै विहार जानेछन् । फेरि एक महिनापछि कपिलवस्तुको भ्रमण गर्ने योजना रहेको झाले जानकारी गराएका थिए ।

भारतीय जनता पार्टी (विजेपी) का विहारका सांसद समेत रहेका झालाई मेचीनगरका तीन वटा संस्थाले काँकरभिट्टामा स्वागत गरेको छ ।

नाट्टाका प्रदेश १ का अध्यक्ष उदयकुमार श्रेष्ठ, मेची उद्योग बाणिज्य संघका सदस्य दिपेन्द्रराज पाण्डे, रोटरी क्लब अफ काँकरभिट्टाका अध्यक्ष सुजन प्रधान, सचिव भगिरथ राई, अरुणोदय माविका प्रधानाध्यापक दुर्गाबहादुर लुईटेल लगायतले पूर्वमन्त्री झालाई स्वागत गरेका थिए ।

उनको झापा भ्रमणले पनि जिल्लाका पर्यटकिय स्थलहरुको प्रत्यक्ष अवलोकनले पर्यटन प्रबर्धनमा टेवा पुग्ने आशा लिएको नाट्टाका अध्यक्ष श्रेष्ठले बताए ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: