सांसद् प्रधानले भने–‘मैले रूख काट्न लगाएको होइन’

  प्रकाशित मिति
११ आश्विन २०७७, आईतवार २१:४६


अर्जुनधारा, ११ असोज । प्रदेश सांसद बृखबहादुर प्रधानले सुखानी सहिद स्मृति उद्यान परिसरका सुकेका सिसौका रुख काट्न आफुले नलगाएको प्रष्टिकरण दिएका छन् ।

नेपाली कांग्रेस अर्जुनधाराले ती रुख सांसद् प्रधानको प्रत्यक्ष निर्देशनमा काटिएको आरोप लगाएको थियो ।

नेकपाबाट झापा २ को ‘ख’ निर्वाचन क्षेत्रबाट सांसद् पदमा निर्वाचितउनले आइतवार पत्रकार सम्मेलन गरी हावाहुरी आएका बेला ढलेर कछुवा संरक्षण केन्द्रमा क्षति नपुर्याओस् भनेर उद्यान व्यवस्थापन समितिले निर्णय गरेरै रुख काटेको दावी गरे ।

विभिन्न सञ्चार माध्यममा वास्तविकतालाई तोडमोड गरी रुख काटेन लगाएको भनी आफ्नो चरित्रहत्या गर्ने आशयले समाचार आएको उनले दावी गरेका छन् ।

आफुले रुख काटेको प्रमाणित गरे जस्तोसुकै सजाय भोग्न तयार रहेको सांसद् प्रधानले बताएका छन् ।

अर्जुनधारा–११ मा रहेको सुखानी सहिद स्मृति उद्यान परिसरमा सिसौ प्रजातिको तीन वटा सुकेको रुख केही दिन अघि काटिएको थियो ।

उद्यान व्यवस्थापन समितिको असोज ८ गतेको बैठकले परिसरभित्र रहेका सुकेका रुखहरु कटान गर्ने निर्णय गरेको थियो ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: