होम क्वारेन्टाइनमा बस्न दिने मेचीनगरको निर्णय

  प्रकाशित मिति
१ भाद्र २०७७, सोमबार १८:०२


मेचीनगर, १ भदौ । भारत तथा तेस्रो मुलुकबाट पीसीआर गरेर आएका व्यक्तिलाई मेचीनगरपालिकाले होम क्वारेन्टाइनमा बस्न दिने निर्णय गरेको छ ।

भारत तथा तेस्रो मुलुकबाट पीसीआर गरेर आएका नगरबासीलाई मेचीनगरले टोल समिति र वडा कार्यालयको सिफारिसमा होम क्वारेन्टाइनमा बस्न दिने निर्णय गरेको हो ।

कोरोना भाइरस रोकथाम तथा नियन्त्रण कार्यदलको सोमबार बसेको बैठकले होम क्वारेन्टाइन ब्यवस्थापन मापदण्ड–२०७७ जारी गरेको छ ।

पीसीआरको रिपोर्टका आधारमा परिवारको सहमतिमा टोल विकास समिति र वडा कार्यालयको सिफारिसमा भारत तथा तेस्रो मुलुकबाट पीसीआर गरेर आएकालाई १४ दिनसम्म होम क्वारेन्टाइनमा बस्न दिने निर्णय गरिएको नगरप्रमुख विमल आचार्यले बताए । बैठकले १२ वटा बुँदामा मापदण्ड तयार गरेको छ ।

मापदण्ड अनुसार होम क्वारेन्टाइन बस्न तोकिएको घरमा परिवारका सदस्यबाट टाढा रहने गरी शौचालयसहित अलग कोठा हुनुपर्ने, एक मिटरको दुरीमा परिवारका सदस्यको सहयोग लिने, तोकिएको घरमा अन्य ब्यक्तिहरुको आवत जावतमा निधेष, मास्क, सेनिटाइजर, पञ्जा, पानी लगायतको आवश्यक ब्यवस्थापन हुनेपर्ने छ ।

होम क्वारेन्टाइनमा बस्ने ब्यक्तिले आफुले प्रयोग गरेको भाडाकुडा तथा लत्ताकपडाहरु आफैँले धुने तथा सरसफाइ गर्नु पर्नेछ ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: